O‘zbekistonda chaqaloqlar o‘limi 3,2 marta kamaydi
O‘zbekiston Sog‘liqni saqlash vazirligi ma’lumotlariga ko‘ra, mamlakatda mustaqillik yillarida chaqaloqlar o‘rtasida o‘lim hollari 3,2 marta kamaydi. Bu haqda UzDaily xabar berdi.
Ushbu davr ichida onalar o‘limi 3,1 barobar kamaygan.
“Ona va bola skriningi” dasturini amalga oshirish orqali bolalarning tug‘ma nuqsonlar bilan tug‘ilish hollarini 2000-yildan buyon 1,8 marta kamaytirishga erishildi.
Bugungi kunda mamlakatdagi bolalarning 92 foizi o‘z rivojlanish parametrlari bilan Butunjahon sog‘liqni saqlash tashkiloti standartlariga to‘g‘ri keladi.
2005-yilda O‘zbekistonda mutlaqo sog‘lom bolalar ko‘rsatkichi 52,7 foizni tashkil qilgan bo‘lsa, 2013-yilda bu raqam 63 foizdan oshdi. “Dunyoning rivojlangan mamlakatlarida ushbu ko‘rsatkich 70—72 foiz ekanini hisobga olsak, O‘zbekiston bu masala bo‘yicha muvaffaqiyatga erishayotganini ko‘rish mumkin”, — deya qayd etdi vazirlik.
