Jizzax viloyatining markazi Sharof Rashidov ko‘chasida zamonaviy elektron kutubxona ish boshladi. Taʼlimni rivojlantirish va porloq kelajakka yo‘naltirilgan ushbu loyiha Ipoteka bank OTP Group tashabbusi bilan amalga oshirildi. Raqamli kutubxona viloyatning 32-umumtaʼlim maktabida joylashgan bo‘lib, endilikda bu yerda mahalliy aholi va talabalar o‘z bilimlarini oshirib borish imkoniyatiga ega.
Bu — raqamli olam, o‘quvchi va talabalarga o‘z salohiyatini oshirishlari uchun cheksiz imkoniyatlar taqdim etadi. Kutubxona fondida kitoblarning elektron varianti yaratilgan bo‘lib, bu foydalanuvchilarga o‘zlariga kerakli kitoblarni elektron shaklda bemalol izlab topish imkonini beradi. O‘quvchilar elektron kitoblar, jurnallar, gazeta va ilmiy maqolalarni zamonaviy qidirish va har qanday materialni bir nechta soniyada izlab topishlari mumkin. Shuningdek, foydalanuvchilar darsliklarni nafaqat elektron balki offlayn holda o‘qish, tadqiqotlar olib borish, imtihon va loyihalarga tayyorlanish va turli sohadagi bilimlarini oshirishlari uchun manbalardan foydalanish imkonini beradi. Ushbu qulaylik o‘quvchi va o‘qituvchilarga zaruriy adabiyotlar va materiallarni masofaviy zamonaviy texnologiyalar orqali mutolaa qilish imkoniyatini beradi.
"Ipoteka bank OTP Group doimo taʼlim sohasida innovatsion yechimlarni rivojlantirishni qo‘llab-quvvatlaydi. Raqamli kutubxonalar O‘zbekistonda taʼlim jarayonining raqamli transformatsiyasiga qo‘yilgan muhim qadamdir. Biz bu kabi tashabbuslar yoshlar uchun yangi imkoniyatlarni yaratishga va jamiyatimizning intellektual salohiyatini rivojlantirishga xizmat qilishiga ishonamiz", dedi Ipoteka bank OTP Groupning Chakana, kichik va o‘rta biznes bloki rahbari - boshqaruv raisi o‘rinbosari Dmitriy Sapronov.
"Bundan keyin kutubxonalardan kitoblarni izlash yoki ularni qaytarishga vaqt sarflashim shart emas. Internetga ulanish orqali kerakli adabiyotlarni elektron tarzda topaman. Bu kutubxona menga kitoblarni tez va oson mutolaa qilish orqali bilimlarimni yanada oshirishimga yordam beradi" deya o‘z taassurotlarini bo‘lishdi 32-umumtaʼlim maktabi o‘quvchisi Nasiba Aliyeva.
Ushbu loyiha taʼlim va fanning kelajagi — har bir inson uchun imkoniyatlar o‘rnatib, chegaralarni belgilamaydigan innovatsion yechimlardan biridir.
Ipoteka bank OTP Group yoshlarga bilimlarini zamonaviy yo‘llar orqali oshirish yangi loyihalarni qo‘llab-quvvatlashda davom etmoqda.
Reklama huquqi asosida.
Izoh (0)