Жиззах вилоятининг маркази Шароф Рашидов кўчасида замонавий электрон кутубхона иш бошлади. Таълимни ривожлантириш ва порлоқ келажакка йўналтирилган ушбу лойиҳа Ипотека банк OTP Group ташаббуси билан амалга оширилди. Рақамли кутубхона вилоятнинг 32-умумтаълим мактабида жойлашган бўлиб, эндиликда бу ерда маҳаллий аҳоли ва талабалар ўз билимларини ошириб бориш имкониятига эга.
Бу — рақамли олам, ўқувчи ва талабаларга ўз салоҳиятини оширишлари учун чексиз имкониятлар тақдим этади. Кутубхона фондида китобларнинг электрон варианти яратилган бўлиб, бу фойдаланувчиларга ўзларига керакли китобларни электрон шаклда бемалол излаб топиш имконини беради. Ўқувчилар электрон китоблар, журналлар, газета ва илмий мақолаларни замонавий қидириш ва ҳар қандай материални бир нечта сонияда излаб топишлари мумкин. Шунингдек, фойдаланувчилар дарсликларни нафақат электрон балки оффлайн ҳолда ўқиш, тадқиқотлар олиб бориш, имтиҳон ва лойиҳаларга тайёрланиш ва турли соҳадаги билимларини оширишлари учун манбалардан фойдаланиш имконини беради. Ушбу қулайлик ўқувчи ва ўқитувчиларга зарурий адабиётлар ва материалларни масофавий замонавий технологиялар орқали мутолаа қилиш имкониятини беради.
"Ипотека банк OTP Group доимо таълим соҳасида инновацион ечимларни ривожлантиришни қўллаб-қувватлайди. Рақамли кутубхоналар Ўзбекистонда таълим жараёнининг рақамли трансформациясига қўйилган муҳим қадамдир. Биз бу каби ташаббуслар ёшлар учун янги имкониятларни яратишга ва жамиятимизнинг интеллектуал салоҳиятини ривожлантиришга хизмат қилишига ишонамиз", деди Ипотека банк OTP Groupнинг Чакана, кичик ва ўрта бизнес блоки раҳбари - бошқарув раиси ўринбосари Дмитрий Сапронов.
"Бундан кейин кутубхоналардан китобларни излаш ёки уларни қайтаришга вақт сарфлашим шарт эмас. Интернетга уланиш орқали керакли адабиётларни электрон тарзда топаман. Бу кутубхона менга китобларни тез ва осон мутолаа қилиш орқали билимларимни янада оширишимга ёрдам беради" дея ўз таассуротларини бўлишди 32-умумтаълим мактаби ўқувчиси Насиба Алиева.
Ушбу лойиҳа таълим ва фаннинг келажаги — ҳар бир инсон учун имкониятлар ўрнатиб, чегараларни белгиламайдиган инновацион ечимлардан биридир.
Ипотека банк OTP Group ёшларга билимларини замонавий йўллар орқали ошириш янги лойиҳаларни қўллаб-қувватлашда давом этмоқда.
Реклама ҳуқуқи асосида.
Изоҳ (0)