Acıbadem shifoxonalar tarmog‘ida biz epilepsiyani davolash va serebral falajni davolashdan tortib, bosh miya o‘smasini va rivojlanishning tug‘ma nuqsonlarini, shuningdek, boshqa kasalliklarni davolashgacha bo‘lgan bolalar neyroxirurgiyasining kompleks xizmatlarini taqdim etamiz.
Bolalar neyroxirurgiyasi noyob mutaxassislik hisoblanib, butun dunyo bo‘ylab kam sonli neyroxirurglarning faoliyati faqat bolalarni davolashga qaratilgan. Acıbadem shifoxonalar tarmog‘i bolalardagi nevrologik kasalliklarni davolashda barcha talablarga va standartlarga javob beradi. Har yili Acıbadem shifoxonalar tarmog‘ining bolalar neyroxirurgiyasi bo‘limi dunyoning turli burchaklaridan kelgan 600 nafardan ortiq bolalarda operatsiyalarni muvaffaqiyatli amalga oshiradi. Shifoxonamiz dunyoning faqat ayrim markazlarida foydalanish mumkin bo‘lgan kompleks davolashni epilepsiya va serebral falajga chalingan bemorlarga taqdim etadi.
Bolalarda epileptik xurujlarni to‘xtatish
Epilepsiya bolalarda tez-tez uchraydigan murakkab holatdir. Kasallik sababsiz tutqanoqlarni keltirib chiqaradi va hayot sifatini sezilarli darajada pasaytiradi. Garchi epilepsiyani davolashda tutqanoqlarni oldini olish uchun dastavval dori terapiyasi qo‘llanilsa-da, bemorlarning 30 foizida xurujlar davom etadi. Bunday hollarda epilepsiyaga qarshi barcha turdagi preparatlarni qo‘llashga urinishlarga qaramay, davolash kutilgan samarani bermaydi.
Bunday bemorlar uchun epilepsiyani jarrohlik yo‘li bilan davolash ijobiy natijalarni berishi mumkin. Ammo ushbu operatsiyadan qaysi bolalar foyda ko‘rishini baholash juda muhimdir. Shifoxonamizda 3 Tesla apparatida bosh miyani batafsil MRT ni, zarur bo‘lganda PET-skanerlashni amalga oshiramiz. Shuningdek, bolalar miyasidagi g‘ayrioddiy faollik va elektr impulslarini doimiy ravishda kuzatib borish uchun 48 soat davomida EEG bo‘limida qolganlarida, video-EEG monitoringini o‘tkazamiz. Ushbu baholashga asoslanib, operatsiya bemor uchun foydali deb hisoblansa, uning uchta asosiy turi mavjud:
- Rezeksiya jarrohligi, bunda miyadagi tutqanoqni keltirib chiqaruvchi jarohat olib tashlanadi.
- Miyaning yarim sharlari orasidagi epileptik faollikning tarqalishi to‘siladigan ajratish operatsiyasi.
- Sayyor nervni stimulyatsiya qilish, bunda miya signallarini tartibga solish va tutqanoqni keltirib chiqaradigan elektr impulslari tarqalishini oldini olish uchun bosh miyada elektrodlar va stimulyator joylashtiriladi.
Natijada, har bir bemor uchun to‘g‘ri jarrohlik yondashuvini tanlab, epilepsiyaga chalingan bolalarda tutqanoqlarning chastotasi va intensivligini nazorat qilish, kamaytirish yoki butunlay to‘xtatish mumkin bo‘ladi. Dunyo bo‘ylab faqat kam sonli shifoxonalar epilepsiyani jarrohlik usulida davolashni taklif qiladi, chunki bunda maxsus diagnostika asboblari va zamonaviy jarrohlik uslublari talab etiladi. Bundan tashqari, tibbiy mutaxassislar jamoasi tarkibida epilepsiya jarrohligiga ixtisoslashgan bolalar neyroxirurgi, shuningdek, epilepsiyaga chalingan bemorlar bilan muloqotda bo‘ladigan, “epileptolog” deb nomlanuvchi bolalar nevrologi bo‘lishi lozim.
Epilepsiyada ketogenli parhez terapiyasi
Acıbadem tibbiyot markazlarida epilepsiyani davolashda kompleks yondashuvni qo‘llaymiz. Jarrohlik usullaridan tashqari, dori-darmonga chidamli epilepsiyani davolashning maxsus vositasi sifatida ketogen parhezni kiritamiz. Parhez uglevodlar kam, yetarlicha oqsil va ko‘p miqdorda yog‘lar mavjud mahsulotlarni tarkibiga oladi. Barcha mahsulotlar grammda tortiladi va maxsus formulalar qo‘llaniladi. Terapiyaning samaradorligini ta'minlash uchun parhez mobaynida qondagi shakar darajasi va ketonlar muntazam ravishda nazorat qilinadi. Ushbu yondashuvda xurujlarning chastotasini, og‘irligini va davomiyligini kamaytirish va hattoki, kundalik hayotda ulardan butunlay ozod qilish mumkin.
Serebral falajga chalingan bolalarning hayot sifati va mustaqilligini oshirish
Serebral falaj tananing harakatiga, qomatga, mushaklarni uyg‘unligiga va ba'zi hollarda kognitiv qobiliyatlarga ta’sir qiluvchi nevrologik buzilish hisoblanadi. Bolalar serebral falajining eng keng tarqalgan alomati spastiklikdir. Bu mushaklarning qotishi, taranglashuvi va beixtiyor qisqarishiga olib keladi. Ushbu kasallikka chalingan bolalar ko‘pincha yurishda qiynaladilar va harakatlari nazoratsiz bo‘ladi.
Acıbadem shifoxonalar tarmog‘ida biz mushaklarning baland tonusini, qotishini va og‘riqni kamaytirish, bir paytning o‘zida harakatni, muvozanatni va harakat ko‘nikmalarini yaxshilash uchun jarrohlik davosini va bolalar reabilitatsiyasining maxsus dasturlarini taklif etamiz. Natijada, ushbu bemorlarning hayot sifati yaxshilanishi va ko‘proq mustaqillikka erishishlari mumkin bo‘ladi.
Serebral falajni davolashning turli xil jarrohlik usullari mavjud. Har bir bolaga kompleks tashxis qo‘yilgandan so‘ng, shifokorlarimiz uning o‘ziga xos ehtiyojlarini hisobga olib davolash rejasini ishlab chiqadilar.
Ushbu bemorlarni davolashning eng yaxshi usulini tanlash uchun bolalar neyroxirurglari, bolalar nevrologlari, ortopedlar, fizioterapevtlar va rentgenologlardan iborat jamoa birgalikda bemorlarni ko‘rikdan o‘tkazadi, ularning holatini muhokama qiladi va individual davolash strategiyasini tuzadi.
Basharti spastiklik tananing faqat bir qismiga daxl qilsa, botulotoksin inyeksiyasi va selektiv neyrotomiya davolashning samarali usuli bo‘lishi mumkin. Umumiy spastiklikni davolash uchun selektiv dorsal rizotomiya, pallidotomiya va baklofen pompasini implantatsiyasi qo‘llanilishi mumkin.
- Botulinik toksin – spastiklikni blokirovka qilish uchun sedasiya va ultratovush nazorati ostida spastik mushaklar ichiga yuboriladigan preparatdir.
- Selektiv neyrotomiya - spastik mushakni innervatsiya qiluvchi ayrim nerv tutamlarini deaktivatsiya qilishdir. Odatda, botulinik toksin mahalliy spastiklikni davolash uchun yetarli bo‘lmaganda qo‘llaniladi.
- Selektiv Dorsal Rizotomiya (SDR) – spastiklikni keltirib chiqaradigan orqa miyaning sezgir nervlari «o‘chirib» qo‘yiladigan muolaja. Bu sensorli kirishni kamaytiradi va spastiklikni pasayishiga olib keladi.
- Intratekal baklofen pompasi qorin sohasiga jarrohlik yo‘li bilan implantasiya qilingan pompa orqali antispastik dorini bevosita orqa miya suyuqligiga yetkazadi.
- Pallidotomiya og‘ir holatlarda bemorga yordam ko‘rsatish va og‘riqni yengillatish uchun ishlatilishi mumkin.
Ushbu muolajalar Acıbadem shifoxonalar tarmog‘ining bolalar neyroxirurgiyasi bo‘limlarida mavjud va 25 yil davomida butun dunyodan 2000 nafarga yaqin bolalarda bajarilgan.
Serebral falajga chalingan bolalarda fizioterapiyaning muhimligi
Fizioterapiya va reabilitatsiya serebral falajni davolashning muhim tarkibiy qismlari hisoblanib, eng yaxshi natijalarga erishish uchun ko‘pincha operatsiyadan oldin yoki keyin talab qilinadi. Acıbadem shifoxonalar tarmog‘ida serebral falajga chalingan bolalarga tibbiy yordam ko‘rsatishga maxsus mo‘ljallangan ixtisoslashtirilgan fizioterapiya bo‘limi mavjud.
Turkiyadagi Acıbadem shifoxonalarida davolanishga oid o‘zingizni qiziqtirgan barcha savollar yuzasidan Acıbademʼning Toshkent, Samarqand va Buxorodagi vakolatxonasiga murojaat qilishingiz mumkin:
Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.
Telefon: +998 95 144 54 45
Samarqanddagi vakolatxonamizning manzili: Samarqand shahri, Mirzo Ulug‘bek 140.
Telefon: +998 66 234 41 71
Buxorodagi vakolatxonamizning manzili: Akademik I. Muminov ko‘chasi, 7.
Telefon: +998 55 311 54 44
Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru
Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook va Instagram sahifalariga aʼzo bo‘lishingiz mumkin.
Reklama huquqi asosida.
Izoh (0)