O‘zbekiston hududiga 6-sentyabr, juma kuni nisbatan sovuq va biroz nam havo kirib kelishi boshlanadi, deb xabar bermoqda “O‘zgidromet”.
Kunduz kuni havo biroz bulutli bo‘ladi, respublikaning katta qismida yog‘ingarchilik kutilmaydi, faqat Toshkent viloyatida kechga tomon baʼzi joylarda qisqa muddatli yomg‘ir yog‘ishi mumkin. Harorat 26-29 daraja bo‘ladi.
Dam olish kunlari respublika bo‘yicha yog‘ingarchilik kutilmaydi. Harorat kechalari 10-15 darajagacha, kunduz kunlari 22-27 darajagacha pasayadi.
Respublikaning tog‘oldi va tog‘li hududlarida 6 va 7-sentyabr kunlari baʼzi joylarda qisqa muddatli yomg‘ir yog‘adi. 7-sentyabrda baland tog‘larda qorga aylanishi mumkin.
6—7-sentyabrda respublika bo‘yicha baʼzi joylarda shamol tezligi 13-18 m/sekundgacha kuchayishi, ayrim joylarda chang-to‘zon bilan kuzatilishi kutilmoqda.
Toshkentda 6-sentyabrda yog‘ingarchilik kutilmaydi, faqat kecha tomon qisqa muddatli yomg‘ir yog‘ishi mumkin. Sharqiy shamol yo‘nalishini o‘zgartirib, g‘arbdan 3-8 m/sekundgacha tezlikda esadi, 12-14 metr/sekundgacha kuchayadi. Harorat 24-29 daraja bo‘ladi. 7—8-sentyabr kunlari havo biroz bulutli bo‘ladi, yog‘ingarchilik kutilmaydi. Harorat asosan kechalari 10-13 daraja, kunduz kunlari 24-27 daraja bo‘ladi.
Izoh (0)