Pokiston sobiq bosh vaziri Imron Xonning 200 ga yaqin tarafdori 31-iyul kuni o‘tkazilgan sudda 2023-yildagi tartibsizliklarda ishtirok etgani uchun qamoq jazosiga hukm qilindi. Bu haqda AP xabar bermoqda.
Ma’lum qilinishicha, Sharqiy Panjob viloyatining Faysalobod shahar sudi 196 kishiga, jumladan, muxolifat yetakchisi Umar Ayubga hukm chiqargan. U va yana 57 kishi o‘n yilga ozodlikdan mahrum etilgan. Jarayonning boshqa ishtirokchilari bir yildan uch yilgacha qamoq jazosiga hukm qilingan.
Imron Xon 2018—2022-yillarda Pokiston hukumatiga rahbarlik qilgan. U 2023-yildan beri qamoqda saqlanmoqda va shu vaqt ichida bir nechta jinoiy ish bo‘yicha turli muddatlarga ozodlikdan mahrum etilgan.
Janob Xonning hibsga olinishi 2023-yil mart oyida Pokistonda ommaviy norozilik namoyishlariga sabab bo‘lgandi. Payshanba kuni sud tomonidan hukm qilinganlar orasida Imron Xonning “Tehrik-i-Insof” partiyasidan kamida olti nafar Milliy assambleya a’zosi va bir senator bor edi.
“Ular 2023-yilgi tartibsizliklar paytida harbiy xizmatchilarga, hukumat binolari va transport vositalariga hujum qilishda ishtirok etganlikda ayblandi”, dedi himoyachi Changaiz Kakar.
Uning qo‘shimcha qilishicha, barcha mahkumlar Faysalobod sudi chiqargan qaror ustidan apellyatsiya shikoyati beradi.
Izoh (0)