Prezident farmoni bilan Ubaydulla Mingboyevga “O‘zbekiston Respublikasida xizmat ko‘rsatgan yoshlar murabbiysi” faxriy unvoni berildi.
Farmonda qayd etilishicha, ushbu unvon davlat organlaridagi ko‘p yillik samarali mehnati, O‘zbekiston mustaqilligini mustahkamlash, mamlakatda sud-huquq tizimini rivojlantirish, sohada islohotlarni chuqurlashtirish, jamiyatda qonuniylikni ta’minlash, adolatni qaror toptirish orqali inson qadr-qimmatini ulug‘lash, fuqarolarning huquq va manfaatlarini himoya qilishga qo‘shgan munosib hissasi, yuqori malakali kadrlarni tayyorlash, yosh avlodni vatanga muhabbat, umuminsoniy qadriyatlarga hurmat ruhida tarbiyalash borasidagi ibratli faoliyati, ijtimoiy-siyosiy hayotdagi faol ishtiroki hamda tavalludining 90 yilligi munosabati bilan berildi.
O‘zbekistonda xizmat ko‘rsatgan huquqshunos Ubaydulla Mingboyev Sudyalar Assotsiatsiyasi raisi bo‘lib, ushbu lavozimga 2022-yilning noyabrida qayta saylangandi.
1997-yilda tashkil etilgan O‘zbekiston sudyalari assotsiatsiyasi sudyalarni ijtimoiy qo‘llab-quvvatlash, sud hokimiyatining nufuzini oshirishga xizmat qiladi.
Izoh (0)