Sudyalar Oliy kengashi raisi Ubaydulla Mingboyev Namanganda jamoatchilik vakillari, faxriylar kengashi, sudyalar va sud apparati xodimlari, ularning ota-onalari bilan ochiq muloqot o‘tkazdi. Bu haqda “Daryo”ga JIB Namangan viloyat sudi bo‘lim boshlig‘i Akramjon Aripov ma’lum qildi.
Muloqot davomida mamlakatda odil sudlovni amalga oshirish uchun qilinayotgan sa’y-harakatlar haqida so‘z bordi.
Sudyalar o‘z vazifasini qonuniy va adolatli bajarishi uchun monelik qilishi mumkin bo‘lgan salbiy illatlar, xususan, korrupsiyaga yo‘l qo‘ymaslik engustuvor vazifalardan biri ekanligi ta’kidlandi.
Ubaydulla Mingboyev Jinoyat ishlari bo‘yicha Namangan viloyat sudi binosida tashkil etilgan fuqarolarning kutish xonasi, jamoatchilik vakillari bilan huquqiy hamkorlik xonasi, ma’rifat xonasi, sud zallari bilan yaqindan tanishib, amaliy tavsiyalar berdi.
Izoh (0)