Ijtimoiy tarmoqlarda Samarqand viloyatida Qozog‘iston avtomashinalari ko‘chalar bo‘ylab drift uyushtirgani aks etgan videolar tarqalib, muhokamalarga sabab bo‘lmoqda. YHXB holatga izoh berdi.
Qayd etilishicha, holat yuzasidan drift uyushtirib, qo‘pol qoidabuzarliklar sodir etgan haydovchilarga nisbatan qonuniy choralar ko‘rildi. Qoidabuzarlarning aksariyati chet ellik avtomashina ishqibozlari bo‘lgan.
“Biz qayerda bo‘lsak ham O‘zbekiston qonunlarini hurmat qilamiz. Ikkinchi marta qaytarilmaydi. Bizga tushuntirishdi. Aslida maxsus maydonda drift qilishimiz kerak edi, lekin shahar ko‘chalarida drift qildik. Samarqand xalqidan kechirim so‘raymiz”, deydi qozog‘istonlik haydovchilar.
Shou tashkilotchisining taʼkidlashicha, Qozog‘iston, Tojikiston, Qirg‘izistondan kelgan mehmonlar bilan parad uyushtirilgan bo‘lgan. Lekin ularga drift uyushtirish qonunga zid ekani tushuntirilgan.
Navoiyda poyga o‘ynagan yigitlar avariyaga uchragan edi. Ushbu hodisada tan jarohati olganlar yo‘qligi aytilmoqda. “Sal qolishiga sal qoldi. Bo‘ldi, boshqa poyga o‘ynamayman”, degan edi yigitlardan biri.
Izoh (0)