“Толибон” стандартлари миллий бошқармаси Ҳайратон портидан ҳажми 120 минг литрга яқин бўлган иккита нефть вагонларини Ўзбекистонга қайтарганини маълум қилди. Бунинг сабаби сифатида нефть сифати пастлиги кўрсатилган.
Шунингдек, Стандартлар миллий бошқармаси Шайх Абу Наср Фараҳий портидан Эронга яна 19 та паст сифатли нефть танкерини қайтариб юборган.
Бошқарма яна бир бор афғон тадбиркорларидан мамлакатга сифатсиз товарлар олиб кирилишининг олдини олишни сўраган.
Жорий йилнинг январь ойида “Толибон” Ҳайратон портидан 62 тоннадан ортиқ сифатсиз нефтни Ўзбекистонга қайтаргани хабар қилинганди. Бунга жавобан “Ўзбекнефтгаз” раиси Баҳодир Сиддиқов мазкур хабар нотўғри талқин қилинганини, “Толибон” сифатсиз деб қайтарган маҳсулот аслида юқори сифатли эканини айтган.
Изоҳ (0)