Тошкент шаҳрининг Сергели тумани Суғдиёна кўчасидаги абгор ҳолат аҳоли норозилига сабаб бўлмоқда. Бу ҳақда “Дарё”га билдирган мурожаатчиларга кўра, йўлларнинг бузиб ташлангани уларга ноқулайлик туғдирмоқда.
![](/static/2024/09/09/photo_2024-08-20_10-56-53-52z8gZ1w.jpg)
![](/static/2024/09/09/photo_2024-08-20_10-56-59-oG0ZaUHc.jpg)
![](/static/2024/09/09/photo_2024-08-20_10-57-00-xryaoBM3.jpg)
![](/static/2024/09/09/photo_2024-08-20_10-57-03-N5Ggafv2.jpg)
Эрталаб ишга кетгунча бир неча машиналар кетма-кет юра бошласа, чанг-тўзон кўтарилади. Асфалтнинг кесиб ташлангани машиналарнинг юришига ноқулайлик туғдиради, дейди мурожаатчилардан бири.
Яна бир мурожаатчига кўра, кўча кабел ўтказиш ишлари бажарилаётган пайтда шундай кавлаб ташланган ва шу ҳолатида ташлаб кетилган.
![](/static/2024/09/09/photo_2024-08-20_10-57-08-NI6vhdh3.jpg)
![](/static/2024/09/09/photo_2024-08-20_10-57-11-gamVwHv_.jpg)
![](/static/2024/09/09/photo_2024-08-20_10-57-14-0lGOZvHX.jpg)
Майли, кабел ўтказишибди. Лекин нега кавлаб ташланган йўллар тузатилиб, ўз ҳолига қайтариб қўйилмаган? Кабел ўтказиш ишлари бажарилса, бўлдими? Одамларга ноқулайлик туғдириши иккинчи даражали масалами?, дейди у.
Сергели тумани ҳокимлиги ахборот хизматининг “Дарё”га билдиришича, Суғдиёна кўчасининг бундай ҳолатга келишига ҳудудда 10 кВт юқори кучланишли кабел янгиланиши билан боғлиқ.
![](/static/2024/09/09/photo_2024-08-20_10-57-03-cz2O4YpO.jpg)
Электр таъминоти корхонаси ўзи кавлаган ҳудудларини ўзи асфалт қилиб, ободонлаштиради. Қолгани туман ҳокимлиги томонидан маблағ ажратилгандан сўнг амалга оширилади, дейилади ҳокимлик ахборот хизматининг масъулларга таяниб берган ахборотида.
Мурожааатчиларнинг айтишича, Сергели тумани ҳокими Элбек Шукуров Зарунар 2-тор кўчаси билан туташ ҳудудни ҳам асфалт қилишни ваъда қилган. Бироқ, ҳоким ваъдасини тўлиқ бажармаган. Ушбу кўчага олиб кирувчи йўлнинг фақат кириш қисми ҳисобот учун асфалт қилиниб, қолган қисми қолиб кетган.
Машиналардан чиқадиган чангни ҳидлаб бу кўчадан ҳар куни ўнлаб ёш болалар юради, чангнинг инсон саломатлигига таъсирини эса гапирмаса ҳам бўлади, — дейди мурожаатчилардан бири.
![](/static/2024/09/09/photo_2024-08-20_10-57-16-If-y81ik.jpg)
![](/static/2024/09/09/photo_2024-08-20_10-57-18-yJdJF0iv.jpg)
![](/static/2024/09/09/photo_2024-08-20_10-57-19-jubl8SH_.jpg)
Ҳокимлик масъулларига кўра, мазкур кўчадаги асфалт кесилмаган. Йўл четидан ковланган.
Фақат бир-иккита жойда кавланган ер бор. Кейинги ҳафтада (август ойининг 27-28 саналари назарда турилмоқда. Таҳририят изоҳи) асфалт қилинади. Қолган жойи бугун-эрта (20-21 август назарда тутилмоқда) ёпади, деганди масъуллар. Бироқ, ваъда бажарилмади.
Изоҳ (0)