Андижон шаҳридаги 5-умумтаълим мактабида ўқувчи қизлар ўтириб-турғизилиб жазоланди. Мактабгача ва мактаб таълими бўлими ҳолатга изоҳ берди.
Унга кўра, ҳолат жорий йилнинг 12 сентябрь куни содир бўлиб, мактабнинг 10-“З” синфининг ўқувчилари соат 9:20 да мактабга келишгани, улар томонидан мунтазам дарсга кеч қолиш ҳолатлари кузатилаётгани боис мактабнинг маъсул ходими Д.Т. томонидан тартибга чақирилгани аниқланган.
Ушбу ҳолат мактаб директори томонидан назоратга олиниб, ўқувчилар дарсларга киритиб юборилган ҳамда ота-оналари билан дарс жараёнлари 8:00 дан бошланиши ва ушбу вақтда мактабга келишларини таъминлаш зарурлиги юзасидан суҳбат олиб борилди.
Шунингдек, мактаб директори томонидан маъсул ходим Д.Т.га ўқувчилар билан педагогик этика қоидаларига риоя этган ҳолда муносабатда бўлиши юзасидан тушунтириш ишлари олиб борилиб, унга нисбатан интизомий чора қўлланди.
Бундан аввал Самарқандда мажбурий меҳнатга жалб қилингани айтилган ўқувчилар буни дарс доирасида қилгани аниқланганди. Шунингдек, Андижондаги мактаблардан бирида ўқувчи мактабдошини калтаклагани ҳақида хабар берилганди.
Изоҳ (1)
Maktabga kech yuborgan ota-onaga nima chora ko'rildi.
Maktabga oʻquvchini keltirish oʻqituvchini majburiyati emas.
Yuborish ota-onani majburiyati.
Yana maktabda oʻqituvchidan davomat talab qilishadi. Aybdor esa hech qachon jazolanmaydi. Bu qaysi qonunda bor.