Andijon shahridagi 5-umumta’lim maktabida o‘quvchi qizlar o‘tirib-turg‘izilib jazolandi. Maktabgacha va maktab ta’limi bo‘limi holatga izoh berdi.
Unga ko‘ra, holat joriy yilning 12-sentyabr kuni sodir bo‘lib, maktabning 10-“Z” sinfining o‘quvchilari soat 9:20 da maktabga kelishgani, ular tomonidan muntazam darsga kech qolish holatlari kuzatilayotgani bois maktabning ma’sul xodimi D.T. tomonidan tartibga chaqirilgani aniqlangan.
Ushbu holat maktab direktori tomonidan nazoratga olinib, o‘quvchilar darslarga kiritib yuborilgan hamda ota-onalari bilan dars jarayonlari 8:00 dan boshlanishi va ushbu vaqtda maktabga kelishlarini ta’minlash zarurligi yuzasidan suhbat olib borildi.
Shuningdek, maktab direktori tomonidan ma’sul xodim D.T.ga o‘quvchilar bilan pedagogik etika qoidalariga rioya etgan holda munosabatda bo‘lishi yuzasidan tushuntirish ishlari olib borilib, unga nisbatan intizomiy chora qo‘llandi.
Bundan avval Samarqandda majburiy mehnatga jalb qilingani aytilgan o‘quvchilar buni dars doirasida qilgani aniqlangandi. Shuningdek, Andijondagi maktablardan birida o‘quvchi maktabdoshini kaltaklagani haqida xabar berilgandi.
Izoh (1)
Maktabga kech yuborgan ota-onaga nima chora ko'rildi.
Maktabga oʻquvchini keltirish oʻqituvchini majburiyati emas.
Yuborish ota-onani majburiyati.
Yana maktabda oʻqituvchidan davomat talab qilishadi. Aybdor esa hech qachon jazolanmaydi. Bu qaysi qonunda bor.