Прокуратура органлари томонидан спортни ривожлантиришга қаратилган қонунлар ижроси юзасидан тизимли назорат тадбирлари ўтказиб келинмоқда. Бу ҳақда Бош прокуратура матбуот хизмати хабар берди.
Маълум қилинишича, Ўзбекистон сузиш федерацияси мансабдор шахслари томонидан сузиш спорти учун ажратилган маблағ ҳисобидан терма жамоа аъзоси бўлмаган, аслида федерация бош котиби А.Г.нинг оила аъзолари бўлган 15 киши Туркияга дам олишга юборилиб, 405 млн сўм маблағ талон-торож қилинган.
Шунингдек, амалда ўтилмаган ўқув-машғулот йиғинлар учун сохта буйруқлар асосида 458 млн сўм маблағ ўзлаштирилган.
Бундан ташқари, федерацияга халқаро мусобақа ва ўқув машғулотлари ўтказиш учун ҳомийлар томонидан ажратилган 1,2 млрд сўм маблағ мақсадсиз сарфланиб, талон-торож қилинган.
Изоҳ (0)