Самарқанд вилоятида яшовчи Х.М. ариза билан мурожаат қилиб, пуллари номаълум шахс томонидан фирибгарлик йўли билан ўзлаштирилганлигини маълум қилган. Бу ҳақда Киберхавфсизлик маркази хабар берди.
Маълум қилинишича, ўтказилган тезкор-қидирув тадбирлари натижасида мазкур жиноятни Сирдарё вилоятида яшовчи аёл К.И. содир этганлиги аниқланган.
Гумонланувчи сифатида тергов органларига жалб этилган К.И. жабрланувчи Х.М.га Telegram орқали ёзиб, ўзини Ирода деб таништирган ва уни Жанубий Корея давлатига ишга жўнатишда ёрдам қилишини айтиб, фуқарони алдаб, олдиндан 139 млн сўм миқдоридаги пулларни ҳисобига ўтказиб олиб, ўз эҳтиёжларига сарфлаб юборганлиги маълум бўлди.
Мазкур ҳолат юзасидан К.И.га нисбатан Жиноят кодексининг 168-моддаси (фирибгарлик) 3-қисми “г” билан жиноят иши қўзғатилган.
Изоҳ (0)