Самарқанд вилояти Нарпай туманида қайнона келинини қувватлагич сими билан бўғиб ўлдирди. Бу ҳақда “Замон” дастурида хабар берилди.
Маълум қилинишича, судланувчи аёл бир вақтлар фарзандларини меҳрибонлик уйига ташлаб кетган. Орадан йиллар ўтгач, ўғлининг тўйидан кейин унинг уйига келиб яшай бошлаган. Бироқ доимий равишда келинини камситиб, ҳақоратлаб келган.
Воқеа содир бўлган кунда унинг ўғли уйда бўлмаган. Аёл шундан фойдаланиб келинини қувватлагич сими билан бўғиб ўлдиради, сўнг шиша идиш, қайчи ва ошхона пичоғи билан жароҳатлайди. Келин олган тан жароҳатлари туфайли воқеа жойида вафот этган.
Аёл шундан сўнг қочмоқчи бўлган, бироқ қўлга олинган. Суд ҳукми билан Жиноят кодексининг 97-моддасининг 2-қисми “г” банди (ўта шафқатсизлик билан қасддан одам ўлдириш) билан айбдор деб топилди ва 13 йил муддатга озодликдан маҳрум қилинди.
Қурбон бўлган келинлар
- Хоразм вилояти Шовот туманида қайнота ўзаро жанжал оқибатида келинини пичоқлаб ўлдирган.
- Фарғонада келинининг бошини узиб, дарахтга илиб кетган қайнотага ҳукм ўқилган.
Пичоқлаш билан якунланган оилавий жанжаллар
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
Изоҳ (0)