Скарлетт Йоханссон — Голливуднинг энг талабгир актрисаларидан бири. Унинг роллари орасида блокбастерлар қаҳрамонлари ҳам, муаллифлик фильмлари ҳам бор. Бироқ унинг асосий орзуси бошқа касб эди.
Скарлетт ҳар доим ўз фильмларини ўзи суратга олишни хоҳлаган. У бу ҳақда очиқчасига гапирди. Скарлетт актёрлик касбининг барча сир-асрорларини ўрганишга ҳаракат қилди, аммо унинг узоқ муддатли режалари бошқа йўналиш билан боғлиқ.
“Мен ёшлигимда бир кун келиб режиссёр бўламан деб ўйлардим. 20 ёшдан ошганимда эса актёр сифатидаги ишимни яхшироқ тушунишга эътибор қаратдим”, деди Скарлетт.
“Мен кўплаб ўз ишининг устаси бўлган режиссёрлар билан ҳамкорликда ишладим, турли мураккабликдаги ролларни ўз зиммамга олдим. Охир-оқибат орзумдан воз кечишга тўғри келди”, дея тушунтирди Йоханссон The New York Times нашрига берган интервьюсида.
Скарлетт 78-Канн кинофестивалида ўзининг режиссёр сифатидаги дебютини намойиш этди. У “Буюк Элеонора” номли драматик комедияни суратга олди. Сюжет марказида 90 ёшли Элеонора ва унинг 19 ёшли янги дўсти ўртасидаги ғайриоддий дўстлик ётади.
Изоҳ (0)