Сингапур Миллий университети олимлари ёмғирдан электр олиш усулини ишлаб чиқди. Бунда томлар электр станция вазифасини бажаради. Бу ҳақда АCS Publicаtions хабар берди.
Ёмғир томчилари ҳаракатланиши учун томда вертикал қувур ясалган. Сув ҳаракати натижасида заряд ажралиб чиқиб, шу орқали электр энергияси ҳосил қилинган. Қувурга тушаётган ёмғир сувининг 10 фоизидан 12 та LED чироқни ёқиш учун етарли энергия ишлаб чиқилган.
Анъанавий гидроэнергетикадан фарқли ўлароқ, бу усул катта дарёлар ёки сув оқимларига муҳтож эмас. Тадқиқотчилар ёмғир кўп ёғадиган шаҳарларда томларга шундай қурилмаларни ўрнатиш мумкин, деб ҳисобламоқда. Бу кам хизмат талаб қиладиган, экологик тоза ва барқарор энергия манбайи бўлади. Технология ёрдамида қуёш ёки шамол энергияси кам жойларда муқобил энергия ҳосил қилиш мумкин бўлади.
Изоҳ (0)