32 ёшли Деми Ловато Лос Анжелесда мусиқачи Жордан Люцга турмушга чиқди. Фотосуратлар жуфтликнинг ижтимоий тармоқлардаги саҳифаларида эълон қилинди.
Келин моделер Vivienne Westwood томонидан яратилган оқ либосда эди.
“Менга қайси бичимдаги кўйлак кераклиги ҳақида ўйлаганимда хаёлимга биринчи бўлиб Вивен моделлари келди, чунки унинг кўйлаклари қоматдаги камчиликларни самарали беркитади”, деди Деми.
Тўйнинг иккинчи қисми учун Ловато Westwoodʼдан бошқа либосни танлади — хонанда фил суяги рангидаги ипак кўйлакда меҳмонлар олдига чиқди.
Эслатиб ўтамиз, 34 ёшли Жордан ва Диснейнинг собиқ юлдузи ўзларининг ишқий муносабатлари ҳақида биринчи марта 2022 йил август ойида эълон қилишган эди. Жуфтликнинг унаштирилгани эса 2023 йил охирида маълум бўлди.
Ҳозирда хонанданинг қўшиқлари жуда машҳур. Унинг Қўшма Штатларда 24 миллиондан ортиқ пластинкаси сотилган, хонанда кўплаб мукофотларга, жумладан, МTV Video Music Award мукофотига сазовор бўлган. Бундан ташқари, Деми теледастур тарихидаги Х-Фаcтор ҳакамлар ҳайъатининг энг ёш аъзосига айланиб, Гиннеснинг рекордлар китобига киритилган.
Изоҳ (0)