Голливуд юлдузлари ҳам оддий одамлар каби бепарволикка йўл қўяди. Шунинг учун гипс, шина ва ҳасса билан ҳаракатланиш кўплаб машҳурларга таниш. Harper’s Bazaar Kazakhstan нашрининг бугунги қаҳрамонлари нафақат суратга олиш майдончасида, балки уйи ва дам олиш масканларида жароҳат олган юлдузлардир.
Лана Дел Рей
Рождество арафасида Лана Дел Рей конкида учаётганда йиқилди ва натижада қўли синди. Яхшиямки, жароҳат унчалик жиддий эмасди. Шунинг учун икки ҳафта ўтгач, хонанда гипсни олиб ташлашга муваффақ бўлди.
Пинк
2020 йил охирида Пинк саломатлиги билан боғлиқ муаммоларга дуч келди. Юлдуз коронавирус билан касалланди, қолаверса, шиша синиғи туфайли тикилган жароҳат муваффақиятсиз ўтган, натижада стафилококк инфекциясини юқтириб олган. Ушбу муаммоларнинг авж нуқтасида қўшиқчи тўпиғини ҳам синдириб олди. Бунга унинг зинадан жуда тез ва эҳтиётсизлик билан тушгани сабаб бўлди.
Келли Кларксон
Ишга бўлган ҳаддан ташқари ортиқча иштиёқ Кларксонга ёқмади. Келли муаллифлик кўрсатувини суратга олишга шунчалик шошилган вақтда тасодифан оёғини қайириб олди. Натижада ишидан бир муддат танаффус қилишига тўғри келди.
Генри Кавилл
Экрандаги супер қаҳрамонлар ҳам жисмоний жароҳатлардан ҳимояланмаган. «Жодугар» фильмини суратга олиш пайтида Кавиллнинг оёғи жароҳатланган. Суратга олиш майдончасидаги жароҳат баландликда трюк бажариш чоғида юз берган.
Келли Осборн
Келли Осборн ҳамма каби шикастланмади. Қўшиқчи айнан визажист ҳузурида ўтирганида кўзидан жароҳат олди. У фақат ўзини айбдор деб билди. Чунки визажист Келлидан тўсатдан ҳаракатланмаслигини илтимос қилган. Аммо юлдуз, афтидан, ўз омадини синаб кўришга қарор қилган кўринади. Кўриниб турганидек, натижа кутилганидек бўлмади.
Дуэйн Жонсон
Жонсон ҳам спорт залида жароҳат олди. У мушакларни спорт занжирлари билан қиздиришга қарор қилди, аммо, афтидан, ҳаракатлари бироз меъёрдан ошиб кетган кўринади. Чунки занжирлардан бири актёрнинг қошини кесиб ўтди.
Рианна
Риҳанна электр скутер миниш пайтида жисмоний зарар кўрди. Қўшиқчи бошқарувни йўқотиб, ағдарилган. Натижада, юзининг териси қаттиқ шикастланган.
Холзи
Бошқа юлдузларнинг шикастланишини Холзининг жароҳатлари билан солиштирганда, оддийдек кўринади. Бир куни хонанда уй юмушларини бажаришга қарор қилди. Бироқ тозалаш жараёнида қўшиқчи идиш ювиш машинасининг очиқ эшигига қоқилиб, тўпиғини шикастлаб олди. У оғриқдан сакраб тушаётган вақтда соғлом оёғининг ҳам икки бармоғини синдириб олди.
Сюзан Сарандон
Бечора Сюзан тўсатдан йиқилиши натижасида жиддий жароҳат олди. Шифокорлар актрисанинг мияси чайқалган, пешонасида гематома ва тиззаси кўкарган деган хулосага келди.
Кевин Харт
Актёр аслида даҳшатли автоҳалокатдан кейин омон қолгани учун ўзини омадли деб билади. У ўтирган йўловчи машинаси чуқурга тушиб кетган. Харт бел жароҳати билан касалхонага ётқизилди ва шошилинч жарроҳлик амалиётини бошдан кечирди.
Кристен Стюарт
«Оскар-2013» мукофотининг тақдирлаш арафасида Кристен оёғини жароҳатлаб олди, шундан сўнг унинг маросимга ташрифи катта саволга айланди. Аммо актриса қизил гиламда кечки либос ва қўлтиқ таёқчада кўриниш берди.
Леди Гага
Леди Гаганинг жароҳат олиш борасида тажрибаси кўпроқ. У баланд пошнали туфли кийгани учун жарроҳлик амалиётига муҳтож бўлди. Аммо ижодини тўхтатмаслик учун реабилитация пайтида ҳаракатланиш мақсадида Louis Vuitton логотипли ногиронлар аравачасига буюртма берди.
Деми Ловато
Деми Ловато ўз уйида жароҳат олди. Унинг уйидаги паркет жуда яхши ишлангани натижада хонанда сирпаниб, оёғини синдириб олди.
Майли Сайрус
Хонанда уйида шунчаки блендердан фойдаланишда жароҳат олди ва ҳатто қўлини тиктиришига тўғри келди.
Бред Питт
Бред Питт тиззасини қизи билан қишки сайр пайтида жароҳатлаб олган. Чанада қизини учириб юрган вақтда Питт йиқилмасликнинг иложи йўқлигини тушунди ва қизига шикаст етмаслиги учун ўзини хатарга тутиб берди.
Холли Берри
Холли Берри бутун умри давомида «Булутли Атлас» лойиҳасида суратга тушганини эслаб қолади. Шон-шуҳрат ва катта гонорардан ташқари, актриса оёғини ҳам синдириб олганди.
Риз Уизерспун
Риз эрталаб югуриш пайтида машина уриб кетганидан кейин жуда кўп стрессни бошдан кечирди. Чунки жароҳат унинг ташқи кўринишга ҳам путур етказганди.
Дэвид Бекҳэм
Футбол юлдузи Милан — Верона ўйини вақтида товонини жароҳатлади. Бекҳэмнинг сўзларига кўра, оғриқ чидаб бўлмас даражада бўлган.
Изоҳ (0)