Turkmenistan Airlines 1 июндан бошлаб Москвага мунтазам парвозларни яна тўхтатади. Бу ҳақда компания матбуот хизмати хабар берди.
Ашхобод—Москва—Ашхобод йўналиши бўйича авиачипталарга эга йўловчилар автоматик равишда Ашхобод—Қозон йўналиши бўйича рейсларга ўтказилади. Бундан ташқари, 2 июндан 14 июнгача йўловчилар учун Қозон аэропортидан Домодедово аэропортига бепул ер усти трансфери ташкил этилади.
Бу Turkmenistan Airlinesʼнинг учинчи марта Россия пойтахтига парвозларни бекор қилиши. Декабрь ойида Azerbaijan Airlines самолёти экипажи дронлар ҳужуми сабабли парвозни Оқтовга (Қозоғистонга) йўналтирганидан сўнг ҳалокатга учрагач, Москвага парвозлар тўхтатилганди. Мазкур парвозлар март ойида қайта тикланганди.
2023 йил август ойида ҳам Россия пойтахтига дронлар ҳужуми туфайли Туркманистон хавфсизлик нуқтайи назаридан парвозларни бекор қилганди. Москвага парвозлар беш ойдан сўнг қайта тикланган.
Изоҳ (0)