Модель ва тадбиркор Ҳейли Бибер ажойиб келишувга эришди. У ўзининг Rhode косметика брендини миллиард долларга сотди.
Энди Rhode’нинг эгаси арзон косметика гиганти e.l.f Cosmetics бўлди. Ҳейли бу ҳақда ўз блогида маълум қилди ва ушбу келишув нафақат молиявий муваффақият, балки унинг бренди учун янги саҳифа очишини таъкидлади. “Биз Rhode тарихидаги кейинги бобга кирар эканмиз, e.l.f. билан ҳамкорлик қилаётганимизни эълон қилишдан ғоят хурсандман ва фахрланаман”, деди у.
Шунга қарамай, Ҳейли Бибер Rhode жамоасида қолади. У инновациялар бўйича директор лавозимини эгаллайди ва e.l.f Cosmetics компаниясининг стратегик маслаҳатчиси бўлади. Ҳейлининг бундай келишувга тайёрланаётгани ҳақида баҳор ойининг бошида маълум бўлган эди.
Изоҳ (0)