Фавқулодда вазиятлар вазирлиги Яккасарой туманида содир бўлган ёнғин юзасидан маълумот берди.
Қайд этилишича, 10 июнь куни соат 08:10 да Яккасарой тумани Афросиёб ва Шароф Рашидов кўчалари кесишмаси олдида жойлашган ерости туннелида электр симларини туташи кузатилган.
Воқеа жойига 9 та ёнғин-қутқарув экипажи соат 08:15 да етиб бориб, соат 09:08 да қуршаб олинган ва ҳодиса соат 09:15 да бартараф этилган.
Ҳодиса оқибатида тан жароҳати олганлар қайд этилмади. Воқеа жойига фавқулодда вазиятлар вазири етиб борган.
Бундан олдин “Тошкент метрополитени” “Космонавтлар” метро бекати яқида юзага келган ушбу ёнғиннинг метрополитен тизимига боғлиқ эмаслигини маълум қилганди.
Изоҳ (0)