Ўзбекистонда хизмат кўрсатган артист ҳамда Қорақалпоғистон Республикаси халқ артисти Кенгесбой Сержанов 66 ёшида вафот этди. Бу ҳақда Маданият вазирлиги матбуот хизмати хабар берди.
Кенгесбой Сержанов фаолияти давомида Ўзбекистон давлат консерваториясида, Республика эстрада-цирк коллежида ёшларга устозлик қилган. Алишер Навоий номидаги катта академик опера ва балет театрида опера хонандаси сифатида ижод қилиб, кўплаб бош ролларни ижро этган.
Кенгесбой Сержанов кенг диапазонли, саҳройи овоз эгаси бўлиш билан бирга кўплаб халқаро танловлар ғолиби бўлди. Республикамизга таниқли опера хонандаларини етиштиришда, мамлакатимизда опера санъатини ривожлантиришда салмоқли ҳисса қўшди. Кенгесбой Сержановнинг ёрқин хотираси мудом ёдимизда сақланади, — дейилади Маданият вазирлиги таъзиясида.
Май бошларида Ўзбекистонда хизмат кўрсатган артист Машраб Кимсанов 69 ёшида вафот этгани тўғрисида хабар берилганди. Март ойида эса Ўзбекистон халқ бахшиси Қаландар бахши 73 ёшида вафот этган эди.
Изоҳ (0)