Фарғона вилояти Миллий гвардия бошқармаси Қўштепа туманидаги мактабда ўқувчиларига тарсаки туширган ходим юзасидан маълумот берди.
![](/static/2024/Fozilbek/photo_2024-05-14_11-05-46.jpg)
Ижтимоий тармоқларда Қўштепа туманида жойлашган мактабда Миллий гвардия ходими мактаб ўқувчиларига тарсаки туширгани тасвирланган видео тарқалди.
Миллий гвардия масъуллари томонидан олиб борилган ўрганишлар натижасида ушбу ҳолат тумандаги 49-умумтаълим мактабида содир бўлгани аниқланган.
Воқеа юзасидан хизмат суриштируви ўтказилиб, ижтимоий тармоқларда тарқалган ва видеотасвирда акс этган ходим эгаллаб турган лавозимидан четлаштирилган.
Шавкат Мирзиёев 5 февраль куни бўлиб ўтган йиғилишда 2023 йилда вояга етмаганлар 3,5 минг жиноят содир этганини айтганди. Шу муносабат билан мактаблардаги инспектор-психологлар штати Ички ишлар вазирлигидан Миллий гвардия тизимига ўтказилган.