НАТО альянс мудофааси учун Германиядан еттита бригада, тахминан 40 минг аскар тақдим этишни сўради. Бу ҳақда Reuters хабар берди.
Бу янги қурол-яроғ ва аскарлар сонига қўйилаётган талаблар доирасига киради. Буни НАТОга аъзо давлатлар мудофаа вазирлари келаси ҳафта тасдиқлаши кутилмоқда. Альянс ўзининг ҳарбий салоҳияти бўйича режаларини кенгайтирмоқда. Сабаби 2022 йилда Украинада уруш бошланганидан бери Россияга катта таҳдид сифатида қаралмоқда.
НАТО давлатлари келажакда умумий бригадалар сонини 120–130 тага оширмоқчи. Ҳозирда бригадалар сони 80 тани ташкил этади.
Берлин Мудофаа вазирлигига кўра, келаси ҳафта июнь охирида бўладиган саммитда НАТО етакчилари қандай қарор қабул қилиши номаълум. НАТО вакили ҳарбий режани амбицияли деб атаб ҳеч қандай маълумотни очиқламаган.
“Улар бизнинг янги мудофаа режаларимизга асосланган бўлиб, таҳдидларнинг олдини олиш ва ҳимоя учун зарур бўлган куч ва ресурсларга таянади”, деди НАТО расмийи.
2021 йилда Германия 2030 йилгача НАТО учун 10 та бригада тақдим этишга рози бўлган эди. Ҳозирда Германияда 8 та бригада мавжуд бўлиб, 9-бригада Литвада шакллантирилмоқда ва унинг 2027 йилда тайёр бўлиши айтилган.
Аммо Берлин учун яна 40 минг фаол аскар тақдим этиш катта қийинчилик бўлади. Бундесвер (Германия қуролли кучлари) 2018 йилда белгиланган 203 минг аскар мақсадига ҳали етишмаган. Ҳозирда Мудофаа вазирлиги маълумотларига кўра, тахминан 20 минг доимий аскар етишмаяпти.
Бундан ташқари, янги НАТО мақсадлари ҳали Европадаги АҚШ қўшинлари қисқартирилиши эҳтимолини ҳисобга олмайди. Бу эса европаликлар орасида хавотир уйғотмоқда. Чунки НАТО мудофаа режаларининг катта қисми АҚШ кучларига таянади. Вашингтон 2025 йил охирида иттифоқчилар билан қўшинларни қисқартириш режалари ҳақида муҳокама бошлашини билдирган.
Вашингтон 2025 йил охирида иттифоқчилар билан қўшинларни қисқартириш режаларини муҳокама қилишни бошлашини айтган. АҚШ президенти Дональд Трамп маъмурияти мамлакат Европа хавфсизлигига эътибор қарата олмаслигини билдирган.
Изоҳ (0)