АҚШ Буюк Британияда ядро қуролини жойлаштиришни режалаштирмоқда, деб ёзади The Telegraph ҳужжатларга таяниб. Америка ядровий ракеталари 2008 йилда Британия ҳудудидан олиб кетилган.
Британия газетаси АҚШ Мудофаа вазирлигининг шу ҳафта ва 2023 йил август ойида давлат харидлари веб-сайтида эълон қилинган ҳужжатларини топди. Уларда Буюк Британияда бўлажак ядровий миссияга тайёргарлик кўриш учун баллистик ҳимоя воситалари ва гидравлик рампаларни сотиб олиш зарурлиги белгиланган. Пентагон, Буюк Британия Мудофаа вазирлиги ва бош вазирлик идораси изоҳ беришдан бош тортди.
2008 йилгача Лейкенхет базасида 110 та Американинг B61 ядровий бомбалари жойлашган эди. 2023 йилнинг кузида Россия Ташқи ишлар вазирлигининг расмий вакили Мария Захарова Москва Америка ядровий қуролларининг Буюк Британияга қайтарилишини эскалация деб ҳисоблашини айтди. Унинг таъкидлашича, бундай сиёсат Россияни “компенсацион қарши чоралар”дан фойдаланишга мажбур қилади.
Изоҳ (0)