Япониялик Ута Абе Будапештда ўтаётган жудо бўйича жаҳон чемпионатида ғалаба қозонганидан сўнг, ўзбекистонлик Диёра Келдиёрова ҳақида гапирди.
Ута Абе Диёрадан реванш олишни истаётганини ва унинг тезроқ катта спортга қайтишига умид қилаётганини айтди:
Мен учун жуда оғир йил бўлди. Аммо қатъиятим ва кучли иродам эвазига натижага эришдим деб ўйлайман. Ҳали олдинда узоқ йўл бор, кўпроқ меҳнат қилишим керак. Диёра Келдиёрова бу ерда бўлмаганидан афсусландим. Унинг қайтишига умид қиламан, мен ундан реванш олмоқчиман, деди Ута Абе.
Эслатиб ўтамиз, япониялик спортчи Париж-2024 Олимпиадасида ўзбекистонлик дюздочига имкониятни бой бериб, мусобақани эрта тарк этган эди.
Диёра Келдиёрова спортдан вақтинча танаффус олган. У 2025 йилда она бўлиши кутилмоқда.
Маълумот учун, Абе Венгрия пойтахти Будапештда ўтаётган жаҳон чемпионатида -52 кг вазн тоифасида ғалаба қозониб, ўзининг бешинчи чемпионлигини қўлга киритди. 24 ёшли Ута Абе Парижда ўтган ёзги Олимпиададаги мағлубиятдан сўнг илк йирик мусобақада ғалаба қозонди. Финалда у Токио-2020 Олимпиадаси чемпиони, косоволик Дистриа Красникини иппон эвазига мағлуб этди.
Изоҳ (0)