Марказий банк хорижий валюталарнинг ўзбек сўмига нисбатан 10 июнда амалда бўладиган қийматини эълон қилди.
Унга кўра:
- доллар 65,47сўмга пастлаб, 12 712,05 сўм бўлди;
- евро 65,86 сўмга тушиб, 14 524,79 сўм бўлди;
- рубль 0,44 сўмга пастлаб, 161,10 сўмни ташкил этди.
Бундан аввал доллар курси 54,29 сўмга пастлаб, 12 777,52 сўм бўлганди.
Май ойида миллий валюта долларга нисбатан 164,9 сўмга ёки 1,28 фоиз га қимматлаб, 12 768,26 сўмни ташкил қилганди.
Марказий банк 2025 йилнинг дастлабки тўрт ойи якуни бўйича миллий валюта курсининг барқарорлигига изоҳ берганди. “Биринчидан, [dollar] курсига пул ўтказмалари оқимининг кўпайиши таъсир қилади. Иккинчидан, бизга тўғридан-тўғри хорижий инвестициялар яхши кириб келмоқда. Учинчидан, биринчи чоракда импорт илгариги катта таъсир кўрсатган даражада ўсмади. Шунингдек, олтинни ҳисобга олмаганда товарлар экспорти ҳам ошди”, дея тушунтирган Марказий банк раҳбари ўринбосари Аброр Мирзо Олимов.
Изоҳ (0)