Жаҳон эстрадаси юлдузи Рианна оиласида мусибат юз берди. 31 май куни Лос Анжелесда унинг отаси Роналд Фенти вафот этди. У 70 ёшда эди.
Қайд этилишича, Фенти узоқ вақт давом этган хасталикдан сўнг вафот этган. У тиббий марказда даволанаётган эди. Хонанда укаси билан бир неча марта отасини кўришга борган.
Айни пайтда марҳум билан видолашиш ва унинг хотирасига ҳурмат бажо келтириш учун оила аъзолари Калифорнияга йиғилган.
Рианнанинг отаси билан муносабатлари мураккаб бўлса-да, унинг ўлими ҳозирда учинчи фарзандига ҳомиладор бўлган қўшиқчи учун руҳий зарба бўлди.
Маълумки, Рианна болалигида отасининг спиртли ичимликлар ва гиёҳванд моддаларга қарамлиги, шунингдек, оиладаги зўравонлик туфайли оғир дамларни бошдан кечирган. 2019 йилда хонанда ҳатто Роналдни Fenty брендидан ноқонуний фойдалангани учун судга берган, аммо 2021 йилда можаро тинч йўл билан ҳал бўлган.
Оғриқли ўтмишига қарамай, Рианна отасини кечира олгани ва унга бўлган муҳаббатини сақлаб қолганини бир неча бор айтган.
Изоҳ (0)