Дунёнинг биринчи рақамли шахматчиси, норвегиялик гроссмейстер Магнус Карлсен сунъий интеллект асосидаги ChatGPT’га қарши дона суриб, ғалаба қозонди. Бу ҳақда Карлсен ўзининг Х (собиқ Twitter) тармоғидаги саҳифасида маълум қилди.
Унга кўра, шахматчи ва сунъий интеллект белгиланган вазифани бажариши керак эди. Яъни ўйин давомида иштирокчилар рақибнинг ҳамма пиёдаларини битта ҳам сипоҳ бермасдан ютиб олиш эди. Карлсен бирорта фигурасидан айрилмай, ChatGPT’нинг пиёдаларини ютиб олди ва белгиланган шартларини тўлиқ бажарди. ChatGPT бу натижадан сўнг: “мен таслим бўлдим” деб эълон қилиб, Карлсеннинг ўйинини “методик, тиниқ ва аниқ” деб баҳолади.
AI томонидан берилган таҳлилга кўра, Карлсеннинг ўйини қуйидаги жиҳатлари билан ажралиб турган:
- шахмат партиясининг бошида (яъни очилиш фазасида) рақибга қарши олдиндан яхши тайёргарлик кўрган;
- позицион сабр-тоқати яққол сезилган;
- тактик ўйин ва вақт танлови ҳал қилувчи паллаларда устунлик берган;
- якуний босқичдаги аниқлик эса кичик устунликни тўлиқ ғалабага айлантирган;
I sometimes get bored while travelling pic.twitter.com/MmkEeCg0Xn
— Magnus Carlsen (@MagnusCarlsen) July 11, 2025
Шунингдек, ChatGPT Магнус Карлсеннинг шахмат даражасини классик рейтинг бўйича 1800–2000 атрофида деб баҳолаган. Бу кўрсаткич USCF (АҚШ Шахмат Федерацияси) ёки FIDE рейтинг тизимига кўра, ўртача кучли ҳаваскор ёки ярим-профессионал даражага тўғри келади.
Изоҳ (0)