Вазирлар Маҳкамасининг қарори билан “Тадбиркорлик субъектларининг барқарорлик рейтингини аниқлаш тартиби тўғрисидаги низомни тасдиқлаш ҳақида”ги қарорга ўзгартириш ва қўшимчалар киритилмоқда, деб хабар беради Норма.
Хусусан, ҳужжат билан хўжалик юритувчи субъектларнинг EBITDA асосидаги рентабеллик даражасини аниқлашга қўйиладиган талаблар юмшатилмоқда. Бунда агар EBITDA бўйича рентабеллик даражаси хўжалик юритувчи субъект фаолият юритаётган соҳа бўйича ўртача кўрсаткичдан:
- 20 фоиз ва ундан юқори бўлса — 10 балл;
- 15-20 фоиз — 8 балл;
- 10-15 фоиз — 6 балл;
- 5-10 фоиз — 4 балл;
- 5 фоиз — 2 балл берилади.
Бундан ташқари ҳужжат билан қуйидагилар назарда тутилади:
- “Тадбиркорлик субъектларининг барқарорлик рейтинги” электрон платформаси билан интеграциялаш учун ахборот тизимлари мазмунини қайта кўриб чиқиш;
- электрон ҳисоб-фактураларнинг ҳолатини баҳолаш жараёнини қонунчиликда белгиланган муддатларда якунлаш;
- ҚҚС ва фойда солиғи тўловчилари учун алоҳида Қорақалпоғистон, вилоятлар ва Тошкент шаҳри бўйича, шунингдек, айланмадан олинадиган солиқ тўловчилари учун алоҳида туманлар (шаҳарлар) бўйича рўйхатдан ўтган жойига қараб ўртача кўрсаткичларни ҳисоблаш тартибини такомиллаштириш.
Ҳужжат Қонун ҳужжатлари маълумотлари миллий базасида давлат тилида эълон қилинди ва 2024 йил 2 августдан кучга кирди.
Аввалроқ Ўзбекистонда йил якунигача тадбиркорлар лойиҳалари учун 1,4 триллион сўмлик ёрдам берилиши кутилаётгани тўғрисида хабар берилганди.
Изоҳ (0)