Турк актёр ва актрисалари шахсий ҳаётида рўй бераётган янгиликлар ва сўнгги кунларда юлдузлар нималар билан банд экани ҳақидаги маълумотларни эътиборингизга ҳавола қиламиз.
- Бурак Дениз ва “Олис шаҳар” сериали актрисаси Ярен Гюлдикен ўртасидаги муносабатлар тасдиқланди
2025 йил июнь ойи бошларида оммавий ахборот воситаларида актёр Бурак Дениз (“Тунги эртак”) ва Ярен Гюлдикен (“Олис шаҳар”даги Покиза роли) биргаликда тасвирга олинган суратлари тарқалди. Сўнг уларнинг муносабатлари жиддий тус олаётгани ҳақида далиллар кўпая бошлади. Жумладан, уларнинг Туркия чекка ҳудудидаги бир уйда дам олаётган пайтдаги янги суратлари пайдо бўлди. Ижтимоий тармоқларда тарқалган тасвирлар асосида якуний хулоса қилиш қийин бўлса-да, ушбу ҳолатни мухлислар эътиборсиз қолдирмаяпти.
- Фейяз Шерифўғлу ва Мерве Динкчел оила қурди
Ўтган ҳафта “Шиша ортидаги қиз” сериали актёри Фейяз Шерифўғлу ҳамда актриса Мерве Динкчелнинг тўй маросими турк матбуотининг эътибор марказида бўлди. Тадбирда Ҳанде Эрчел ҳам иштирок этди.
Тўйда Disney+ лойиҳаларида ишлаган кўплаб санъаткорлар ва машҳур актёрлар қатнашди. Никоҳ маросими жуда самимий ва ҳашаматли тарзда ўтди. Келин ва куёв қасамёд пайтида кўз ёшларини тийиб туролмади.
- Атакан Озкая туғилган кунини ҳамкасблари даврасида нишонлади
2025 йил 29 июнь куни “Олис шаҳар” сериалида Қаю ролини ижро этган актёр Атакан Озкая туғилган кунини нишонлади. Тадбирга сериалдаги бошқа актёрлар, жумладан Бурак Шафак (Кадир) ва Ферит Кая (Демир) ташриф буюрди.
- Афра Сарачоғлу BTS аъзоси Жонгукнинг мухлиси эканини маълум қилди
“Қўрғон сирлари” сериалининг бош рол ижрочиси Афра Сарачоғлу ўзининг Жанубий Корея мусиқаси мухлиси эканини ошкор қилди. У BTS гуруҳи аъзоси Жонгук ҳақидаги ижтимоий тармоқлардаги постларга изоҳ ёзди. Буни кўрган мухлислар актрисанинг қизиқишларини қўллаб-қувватлади.
- Айше Акин анорексия билан 10 йил курашгани ҳақида сўзлаб берди
“Қалбим эшигини қоқ” сериалидаги роли билан танилган актриса Айше Акин яқинда берган интервьюсида соғлиқ билан боғлиқ муаммолари ҳақида очиқ фикр билдирди. У 10 йил давомида анорексия билан курашганини, баъзида у ҳеч нарса емай юришни истаганини сўзлаб берди:
“Мен ўзимни доимо семиз деб ҳисоблардим. Шундай кунлар бўлар эдики, ҳеч нарса емаслик ва бунга чидай олиш учун паноҳ сўраб дуо қилар эдим”, деди у.
- Гонжа Вуслатери оёғидан жиддий жароҳат олди
“Лайло” сериалида Нур ролини ижро этаётган актриса Гонжа Вуслатери ижтимоий тармоқлар орқали оёғини жиддий шикастлаганини маълум қилди. Бу ҳолат актриса чақалоғи уйғонганда зудлик билан унинг олдига югурганида юз берган.
Шу сабабли сериалнинг янги қисми эфирга кечиктирилиб бериладиган бўлди. Гонжа ҳозирда уйда даволанмоқда ва вақтини фарзанди билан ўтказмоқда. Маълумот учун, у 2024 йилнинг апрелида она бўлган эди.
- Айше Акин ва “Калмар ўйини” актёри Пак Сон Хун ўртасида ишқий муносабатлар бўлган
Туркия дизи оламида бу ҳафта корейс сериаллари билан боғлиқ янгиликлар кўп бўлди. Жумладан, Айше Акин ва Жанубий Корея актёри Пак Сон Хун бир пайтлар муносабатда бўлишгани маълум бўлди.
Актриса бу ҳақида очиқ гапириб, у Кореяга тил ўрганиш учун боргач, актёр билан танишганини ва унга “Шон-шараф” драмаси орқали қизиқиб қолганини билдирди. Уларнинг муносабатлари узоққа чўзилмаган бўлса-да, дўстлик ришталарини сақлаб қолишган.
- Чағатай Улусой “Ухлолмайдиган одам” номли янги фильмда суратга тушиши мумкин
“Ашраф орзуси” сериалидан кейин Чағатай Улусой янги лойиҳа — “Ухлолмайдиган одам” номли фильмда бош ролни ижро этиши кутилмоқда.
Режиссёрлик жамоаси ҳозирда унга мос ҳамкасб актриса изламоқда. Ҳозирча Элчин Сангу ва Ҳафсанур Санжактутан номзод сифатида кўриб чиқилмоқда. Кастинг жараёни давом этмоқда.
- Мирай Данер ва Мерт Рамазон Демир Disney+ учун янги сериалда ҳамкорлик қилади
“Қўрғон сирлари” сериали актёри Мерт Рамазон Демир ҳамда “Чексиз севги” юлдузи Мирай Данер янги лойиҳада биргаликда рол ижро этиши режалаштирилмоқда.
Сериал “Бизга ҳеч нарса бўлмайди” (“Бизе бир şэй олмаз”) деб номланади. Лойиҳа режиссёри Неслиҳан Есилюрт, сценарий муаллифи эса Пинар Булут бўлади. Айни дамда актёр ва актриса шартнома имзолаш босқичида турибди. Агар ҳаммаси режа асосида кетса, 2025 йил июль охирида суратга олиш ишлари бошланади.
Изоҳ (0)