China Mobile компанияси дунёдаги биринчи кичик миқёсли тажрибавий олтинчи авлод 6G алоқа тармоғини ишга туширганини эълон қилди. Синов инфратузилмаси 10 та таянч станцияни ўз ичига олади. Бу ҳақда MyDrivers хабар бермоқда.
Маълум қилинишича, лойиҳа тадқиқот мақсадларида амалга оширилмоқда ва жорий босқичда тижорат мақсадларида фойдаланишни кўзда тутмайди.
Оператор маълумотларига кўра, дастлабки синовлар давомида маълумотларни узатиш тезлиги 280 Гбит/с га етди. Бу 5G тармоқларининг назарий максимал кўрсаткичидан 14 баробар юқори. Бундай тезликда 50 Гб ҳажмдаги маълумотни бир ярим сониядан камроқ вақт ичида узатиш мумкин, бу замонавий симли ечимлар имкониятларидан анча тезроқ.
China Mobile компаниясининг 6G йўналишидаги илмий-тадқиқот ва тажриба-конструкторлик ишларига киритган жами сармояси 39,1 миллиард юандан (тахминан 544 миллион доллар) ошди. Компания илмий-техник ривожланиш соҳасидаги тўртта асосий миллий лойиҳада иштирок этаётгани ва ўнта устувор 6G технологиялари рўйхатини шакллантиргани ҳақида маълум қилди.
Ҳозирги режаларга кўра, Хитойда олтинчи авлод тармоқларини тўлиқ миқёсда жойлаштириш 2028 йилга қадар бошланиши мумкин.
Изоҳ (0)