Вашингтондаги Уолтер Рид тиббиёт марказининг етакчи неврологи Кевин Каннард январь ойида АҚШ ҳукумати қароргоҳига ташриф буюрган. Бу ҳақда яширин ташрифлар журналидан хабардор манбага таяниб, New York Post хабар берди.
Ҳужжатларга кўра, шифокор президент Жо Байденнинг шахсий шифокори Кевин O'Коннор билан учрашган. Учрашувда кардиолог Жон Э.Атвуд ҳам иштирок этган. Кеннард Паркинсон касаллиги бўйича мутахассис ҳисобланади, у Уолтер Рид тиббиёт марказида қарийб 20 йил ишлаган.
LinkedIn маълумотларига кўра, у 2012 йилдан бери Оқ уйнинг тиббиёт бўлимида невролог бўлиб фаолият юритиб келмоқда. Унинг сўнгги илмий мақоласи Паркинсон касаллигининг “эрта босқичлари”га қаратилган.
АҚШ президентининг соғлиғи учун унинг шахсий шифокори Кевин O'Коннор масъул бўлгани сабабли учрашувдаги суҳбат Байден ҳақида бўлган бўлиши мумкин, дейди конгрессмен Ронни Жексон.
O'Коннор 2021 йил январь ойида лавозимга келганидан бери Байденнинг расмий шифокори бўлиб келган ва ҳар куни президент билан мулоқот қилади. Айнан у февраль ойида ўтказиладиган йиллик жисмоний текширувда Байденнинг соғлиғига ижобий баҳо берган.
Жисмоний текширув Паркинсон касаллигини истисно қиладиган неврологик текширувни ўз ичига олади, деган O'Коннор.
Изоҳ (0)