Самарқанд вилояти ИИБ Йўл ҳаракати хавфсизлиги бошқармаси Сиёб каналига тушиб кетган транспорт воситаси юзасидан маълумот берди.
Қайд этилишича, 7 июль куни соат 13:30 лар атрофида Самарқанд шаҳар А.Жомий кўчасида ҳайдовчи Nexia-2 русумли транспорт воситасида ҳаракатланиб келиб, автомашинада техник носозлик юзага келгани сабабли руль бошқарувини йўқотган ва йўлнинг ўнг томонидан оқиб ўтувчи Сиёб каналига тушиб кетган.
Ҳодиса оқибатида тан жароҳати олган ва вафот этганлар йўқ. Автомашинага моддий зарар етган. Транспорт воситаси ФВБ томонидан каналдан чиқариб олинган.
Ҳозирда Самарқанд шаҳри бўйича ИИО ФМБ томонидан дастлабки суриштирув ишлари олиб борилмоқда.
Эслатиб ўтамиз, 2023 йил февраль ойида Тошкент вилояти Бекобод шаҳрида Cobalt каналга тушиб кетганди. Шу йилнинг февралида Наманганда Nexia-2 паромга чиқиш вақтида дарёга тушиб кетган эди.
Изоҳ (0)