Татаристоннинг Қозон халқаро аэропортида ва Нижнекамскдаги Бегишево аэропортида парвозларга вақтинчалик чекловлар жорий этилди. Бу ҳақда “Газета.ру” хабар берди.
“Аэропортларда рейслар вақтинча тўхтатилган. Самолёт экипажлари, диспетчерлар ва аэропорт хизматлари парвозлар хавфсизлигини таъминлаш учун барча зарур чораларни кўрмоқда — бу устувор вазифа”, деди департамент вакили Артем Кореняко.
Унинг қўшимча қилишича, Ижевск аэропортида ҳам чекловлар жорий этилган.
Қозон аэропорти онлайн доскаси маълумотларига кўра, 7 та рейс учиб кетишда ва 5 та рейс қўнишда кечиктирилмоқда. “Россия” авиакомпанияси самолёти Бегишево аэропортидан учиб кетишга улгурмади, у соат 8:45 да учиши керак бўлган.
Бир оз олдин Татаристон Қозон ва Нижнекамск аэропортларига дронлар ҳужуми таҳдиди режимини эълон қилганди. Фавқулодда вазиятлар вазирлиги соат 6:26 да дронларнинг хавфли режими ҳақида огоҳлантирган. Мудофаа вазирлиги ҳам уриб туширилган дронлар ҳақида маълумот бермаган.
Татаристонда мобил интернет фаолиятидаги узилишлар ҳам қайд этилмоқда. Айтилишича, бу дронлар хавфи билан боғлиқ.
Хизматлар томонидан эълон қилинган “дрон хавфи” режими туфайли мобил интернетда узилишлар юзага келиши мумкин. Ноқулайлик вақтинчалик бўлиб, хавфсизликни таъминлаш учун зарур. Режим бекор қилиниши биланоқ мобил интернет фаолияти тезкорлик билан тикланади, дейилади хабарда.
Изоҳ (0)