Июль ойи аввалида маданият вазири Озодбек Назарбеков кийимлар дўконини реклама қилгани тўғрисида хабар берилганди. Рақобат қўмитаси матбуот хизмати қўшимча маълумот берди.
Маълум қилинишича, қўмитанинг Махсус комиссияси томонидан тегишли тартибда иш қўзғатилиб, натижаси бўйича Kingsman Uzbekistan бренди остида фаолият кўрсатувчи Boutique МЧЖ “Реклама тўғрисидаги” қонуннинг 16-моддасини бузган деб топди.
Натижада ушбу корхонага нисбатан белгиланган тартибда молиявий жарима қўллаш ҳақида қарор қабул қилинган. Шунингдек, қонунбузилиш ҳолатини бартараф этиш ва келгусида такрорламаслик юзасидан кўрсатма берилган.
Махсус комиссия томонидан ишни кўриб чиқиш жараёнида маданият вазирининг рекламада иштирокини реклама берувчи, реклама тайёрловчи ёки реклама тарқатувчи сифатида иштирок этганлигининг аломатлари аниқланмади.
О.Назарбеков рекламани ўз шахсий ижтимоий тармоқлари ва бошқа расмий тармоқлар орқали тарқатмагани “Реклама тўғрисидаги” қонунга асосан рекламанинг айланиши соҳасидаги иштирокчиси сифатида баҳоланмайди, дейилади хабарда.
Изоҳ (0)