Агар узоқ сафарда, тоғда ёки электр қувватига уланиб бўлмайдиган жойда бўлсангиз, смартфон батареяси иложи борича узоқроқ ишлаши учун қуйидагиларни бажариш мумкин.
Энергия тежаш режимини ёқиш
Кўпчилик телефонларда “энергияни тежаш” ёки “ултра тежамкорлик” режими мавжуд. Уни ёқсангиз, телефон автоматик равишда экран ёрқинлигини пасайтиради, фондаги иловаларни тўхтатади, синхронизацияни ва бошқа керакcиз хизматларни ўчиради.
Керакcиз функцияларни ўчириб қўйиш
Ҳозирда фойдаланмаётган функциялар — Wi-Fi, мобил интернет, Bluetooth, NFC ва айниқса GPSʼни ўчириш лозим. GPS энг кўп “ейдиган” иловалардан биридир. Ҳаттоки харита очилмаса ҳам, об-ҳаво, камера ёки ижтимоий тармоқлар фон режимида геолокацияни ишлатиб туради.
Қизиқарли факт: GPS ёқилган вақтда телефон қуввати 25-30% тезроқ тугайди.
Экран созламаларини ўзгартириш
Экран — телефоннинг энг кўп қувват сарфловчи қисмидир. Шунинг учун:
Ёрқинликни иложи борича камайтиринг
Автоматик ёрқинликни ўчиринг
Экраннинг ўчиш вақтини 15-30 сонияга белгиланг
Оғир иловаларни ёпиш
Ўйинлар, YouTube, камера ёки навигатор сингари иловалар батареяни тез тугатади. Улардан фойдаланмаётган бўлсангиз, бутунлай ёпинг. Фақат керакли иловаларни очиқ қолдиринг, масалан, қўнғироқ, SMS ёки эслатмаларни.
Авиаражимни ёқиш
Агар сиз турган жойда интернет ёки алоқа керак бўлмаса, “самолёт режими”ни ёқинг. Бу телефонингизни минимал қувватда ишлашига ёрдам беради. Бу режимни фақат фото кўриш ёки китоб ўқиш учун ишлатаётган бўлсангиз, зарядка янада кўп тежалади.
Қизиқарли факт: Агар сиз телефонингизда қора режим (дарк моде) режимини ёқсангиз ва экран AMOLED технологиясида бўлса, бу ҳам қувватни сезиларли даражада тежайди. Чунки AMOLED экранларда қора ранг ёритилмайди — бу эса 10–40% гача қувватни тежашга ёрдам беради.
Хулоса қилганда, экран ва GPS функциясига эътибор беринг, фондаги иловалар ва тармоқларни назорат қилинг, шунда смартфон аккумулятори узоқроқ вақт хизмат қилади.
Изоҳ (0)