Машҳур инсонлар билан боғлиқ ҳар қандай маълумот мухлислар учун қизиқ. Айниқса, гап уларнинг қанча пул ишлаб топиши ҳақида кетганида бу қизиқиш икки карра ортади. Қуйида Ўзбекистондаги тўйларда тез-тез хизматда бўладиган таниқли россиялик хонандаларнинг молиявий аҳволи ҳақида сўз юритамиз.
Қуйида қайси лойиҳалар уларга кўпроқ фойда келтиришини, концертлар, рекламалар, бизнес ва инвестициялардан қанча даромад олишларини билиб оласиз. Ҳайратланарли рақамларга тайёрланинг!
Григорий Лепс
Григорий Лепс саҳнада бор маҳоратини ишга солган ҳолда намоён бўлади, баъзан унутилмас жонли чиқишлар учун ўз овозини хавф остига қўяди. Соғлиғидаги бир неча жиддий инқирозларни бошдан кечирган Григорий ҳар сафар саҳнага қайтиб, мухлисларни ўзининг бетакрор истеъдоди билан хурсанд қилади.
Фаолиятини оддий ресторанда чиқишлари билан бошлаган хонанда Россия эстрадасининг ҳақиқий рамзига айланди. Унинг афсонавий тароналари ҳар қандай байрамнинг таркибий қисмига айланди ва караоке қўшиқлари рўйхатида биринчи ўринни эгаллади.
Григорий Лепснинг атрофидаги миш-мишлар унинг талабгирлигига салбий таъсир кўрсатмайди. Аксинча оммавий можаролар ва санъаткорнинг ғайриоддий хатти-ҳаракатлари кўпинча унинг машҳурлигини оширишга ёрдам беради.
Лепс барқарор равишда энг кўп маош олувчи россиялик ижрочилар тоифасига киради, унинг бир чиқиш учун гонорари кўпинча 120 минг еврога баҳоланади. Григорийнинг Москва шаҳрида нуфузли туманда жойлашган ҳашаматли квартираси бор. Бундан ташқари, санъаткорнинг Новорижский шоссесида 1800 квадрат метр майдонга эга катта далаҳовлиси ҳам бор.
Мусиқий даромаддан ташқари, хонанданинг шахсий бизнеслари ҳам фойда келтиради. Масалан, Григорий Лепсга тегишли “Лепс Бар” караоке бари 2024 йил 5 сентябрда Санкт Петербургда ўз фаолиятини бошлади. Шунингдек, хонанданинг продюсерлик маркази ва оптика дўкони ҳам мавжуд. Ҳозирда унинг умумий даромади 5,3 миллион долларга баҳоланмоқда.
Баста
Россиянинг энг талабгир реп ижрочиларидан бири Баста залларни тўлдириб концерт беради, муваффақиятли онлайн шоулар ўтказади, ижтимоий тармоқларда реклама контентини жойлаштиради ва Москвада ҳам бир нечта ресторанларни бошқаради. Forbes журналининг ҳисоб-китобларига кўра, 2022 йилда унинг ойлик даромади тахминан 765 минг долларни ташкил этган, санъаткорнинг йиллик даромади эса камида 6,5 миллион долларни ташкил этади ва эҳтимол, ҳозир бу миқдор ошган.
У қимматбаҳо харидларга бажонидил сармоя киритади. Тахминларга кўра, Бастанинг Москва шаҳрида квартираси ва катта коттежи бор. Санъаткорнинг тезюрар премиум автомобилларга бўлган иштиёқи ҳақида ҳам унутмаслик керак: унинг гаражида Bentley Continental, Rolls-Royce Phantom ва Cadillac Escalade каби моделлар бор, уларнинг ҳар бири эгасига қимматга тушган.
Филипп Киркоров
Россия эстрадасида сезиларли из қолдирган Филипп Киркоров ўнлаб йиллар давомида барқарор юқори даромад кўрсатиб келмоқда. Унинг корпоратив тадбир учун гонорари 127 минг доллардан кам бўлмаган миқдорда баҳоланмоқда. Санъаткорга тўланадиган гонорар миқдори тадбир формати, чиқиш давомийлиги ва бошқа шартларга қараб ўзгаради. Одатда Киркоров ойига учтадан бештагача концерт беради.
Forbes экспертларининг ҳисоб-китобларига кўра, хонанданинг молиявий аҳволи 2024 йил охирида 4 миллион долларга яқинлашган. Филипп Киркоровнинг кўчмас мулки кўп ва хилма-хил. Мисол учун, хорижий активлар рўйхатини Болгария курорт шаҳарчасидаги квартиралар ва қуёшли Майами (АҚШ)даги уй-жойлар тўлдиради.
Киркоров тижорат фаолиятини ҳам фаол ривожлантирмоқда. Fill fo you бренди остида эксклюзив кийимлар дўкони мавжуд бўлиб, унда санъаткорнинг шахсий гардеробидаги буюмлар сотилади. Дўкон дизайнерлик коллекцияларини сотиш жойи сифатида очилган, аммо харидорларни тақдим этилган моделларнинг ўлчамлари ва дизайни ҳайратда қолдиради ва ҳозирда савдо нуқтаси ўз фаолиятини тўхтатган. Мусиқачи, шунингдек, қурилиш соҳасига сармоя киритган, “Қурувчилик қарорлари” компаниясида (30%) улушга эгалик қилади, шунингдек, “RDV S” компанияси томонидан бошқариладиган “Русский хит” радиостанциясининг кичик улушига (5%) ҳам эга. Тижорат фаолиятидан келадиган умумий йиллик даромад экспертлар томонидан тахминан беш миллион долларга баҳоланмоқда.
Сергей Лазарев
Сергей Лазаревнинг халқаро машҳурлиги асосан унинг “Евровидение”даги таъсирли чиқиши билан изоҳланади. Санъаткорнинг ҳар бир шоуси цирк маҳорати элементлари, мураккаб техник ечимлар ва ҳайратланарли визуал эффектларга эга томошадир. Шунга яраша санъаткорнинг талаби ҳам, даромади ҳам юқори. Лазаревнинг даромади йилига 1,2 дан 4,4 миллион долларгача ўзгариб туради.
Даромаднинг катта қисми реклама шартномалари ҳисобига шаклланади. 2019 йилда Лазарев Жо Малоне парфюмерия бренди билан шартнома тузиб, унинг расмий вакилига айланди. Forbes ҳисоб-китобларига кўра, ушбу битим санъаткорнинг бюджетига йилига тахминан 65 минг доллар қўшади. Бундан ташқари, унинг ижтимоий тармоқларида 4,9 миллиондан ортиқ обуначига эга бўлган саҳифасига реклама постларини жойлаштириш йилига 400 минг долларга яқин қўшимча даромад келтиради.
Олга Бузова
2021 йилда Forbes талқини бўйича энг муваффақиятли россиялик машҳурлар рўйхатида учинчи ўринни эгаллади, у 3,3 миллион доллар бойлик тўплади ва Москва марказида элита кўчмас мулкини сотиб олди.
Олганинг даромадлари турли йўналишлардан шаклланади. Хусусий тадбирлар ва корпоратив тадбирларда чиқиш қилиш нархи 10 мингдан 19 минг долларгача. Йил давомида шунча тадбир ўтказилганда, унинг гастрол фаолиятидан тушган умумий даромади йилига 382 минг долларгача етиши мумкин.
Телевизион шоуларда иштирок этиш формат ва тузилган шартномага қараб 4 минг доллардан 25 минг долларгача даромад олиш имконини беради. Агар гап каналларнинг реклама кампанияларида ёки махсус кўрсатувларда суратга олиш ҳақида кетаётган бўлса, тўловлар оширилади.
Бузованинг ижтимоий тармоқларда реклама постларини жойлаштириш нархи 4-7 ярим минг долларгача. Фаол реклама фаолияти фақат ижтимоий тармоқларда жойлаштириш учун Олгага ойига 38 минг доллардан 63 минг долларгача даромад келтириши мумкин.
Турли брендлар — косметика компаниялари, кийим-кечак ва аксессуарлар ишлаб чиқарувчилари билан ҳамкорлик ҳам қўшимча фойда келтиради. Мутахассислар брендлар билан ҳамкорликдан олинадиган даромадни маҳсулот сотиш даражасига қараб йилига 127 минг доллардан 510 минг долларгача баҳоламоқда.
Шундай қилиб, Олга Бузованинг гастроллар, реклама, телевизион лойиҳалар ва қўшма корхоналардан тушган фойдадан иборат йиллик даромадининг умумий баҳоси 2 миллион долларни ташкил қилади.
Тимати
Тиматини ҳамма рэпер ва Black Star ёрлиғи юлдузи сифатида билади. Бироқ ҳозир Темурнинг даромадлари фақат мусиқий карьерага боғлиқ эмас. Лейблда ишлаган пайтидаёқ рэпер ўзини муваффақиятли бизнесмен сифатида кўрсатган. Ҳозир у бизнес лойиҳаларининг чегараларини фақат кенгайтирмоқда.
Яккахон мусиқий фаолиятини давом эттирган ҳолда, санъаткор бир чиқиш учун 70 минг доллар миқдорида гонорар олади. Темур венчур инвестицияларига ихтисослашган “Ракета” МЧЖ компаниясини ташкил этди, бу бошқа фаолият турлари билан биргаликда унга йилига 10 миллион долларга яқин фойда олиш имконини беради.
Ўтган йили унинг ресторан бизнеси даромади 880 минг доллар миқдорида соф фойда келтирди. Тимати номи билан бевосита боғлиқ бўлган ва доимий пул оқимини таъминлайдиган бизнес-лойиҳалар қуйидаги ташаббусларни ўз ичига олади: 13 бй Тимати бренди остида сартарошхоналар, гўзаллик салонлари ва тату-студиялар тармоғи, 13 Detailing & Car wash автоматлаштирилган автомобиль ювиш тармоғи, Black Star Burger билан ҳамкорлик шулар жумласидандир. Тиматининг 2024 йилдаги умумий йиллик даромади тахминан 2 миллион 200 минг долларни ташкил этди.
Виктория Боня
Виктория Боня узоқ вақтдан бери фақат реалити-шоуларда иштирок этувчи санъаткор эмас, балки кўплаб тижорат ташаббусларига эга тадбиркорга айланди. Бугунги кунда у ўз бренди остида маҳсулотларни сотмоқда, товар ва хизматларни реклама қилмоқда, ижтимоий тармоқлардаги саҳифасининг монетизацияни ҳам йўлга қўйган. Унинг саҳифасидаги битта реклама пости 10 минг доллар туради.
“Бу менинг асосий даромадим эмас. Менинг онлайн таълим мактабим бор, бундан ташқари, кийимларимнинг маркаси ҳам ўзимники. Мен баъзан турли брендларнинг кампанияларида иштирок этаман”.
Матбуот нашрлари ва телевидениедаги рекламалар катта маблағ келтиради. Норасмий маълумотларга кўра, бундай суратга олишлар учун тўловлар тахминан 127 минг долларга етади. Бундай даромадлар фойдали, аммо беқарор бўлиб қолади.
Викториянинг телеекранлардаги мунтазам чиқишлари ҳам молиявий асосга эга. Телевизион лойиҳаларда иштирок этиш унинг умумий даромадининг салмоқли улушини таъминлайди, бу таҳлилий ҳисоб-китобларга кўра, йилига тахминан 893 минг долларни ташкил қилади. Шунингдек, Викториянинг ўз косметика бренди мавжуд бўлиб, у ўз ватанидан ташқарида бўлса ҳам, уни тарғиб қилади. Телебошловчининг умумий даромади ойига 1 миллион долларга баҳоланмоқда.
Изоҳ (0)