Миллионлаб мухлислар, қизил йўлаклар, лимузинлар... Машҳурлар қўриқчисиз, Instagram филтрларсиз ва мухлисларсиз ҳаётни тасаввур қила олмайди. Аммо баъзан улар бундай муҳитдан кечиб, оддий одамлар каби яшашни истаб қолади. Афсуски, бу каби уринишлар кўпинча кутилмаган ноқулайликлар, тушкунлик ва пушаймонлик билан якун топади.
Фото: Kino.mail.ru
Наоми Уотц ва супермаркетдаги папарацилар ҳужуми
2007 йилда Наоми Уотц фарзандли бўлгач, шунчаки озиқ-овқат дўконига боришга қарор қилади ва Лос Анжелесдаги экологик маркетга йўл олди. Бироқ у ернинг ҳар бурчагидан папарацилар чиқиб келади: кимдир ойналардан, бошқалар эса жавонлар орасидан камераларини актрисага қаратади. Оддий кийимда уйидан чиққан ва ҳайратга тушган Уотц салкам 30 та папарацини дўкондан чиқариш учун полиция чақиради. Сўнг унинг дугонаси машинасини дўкон эшигигача ҳайдаб келгач, актрисани қутқаради.
Кевин Бейкон ва “Кўринмас одам” ниқоби
“Умуман кўринмас одам бўлиб қолса-чи?” деган фикр машҳурликдан чарчаган актёр Кевин Бейконнинг хаёлига келгач, у бир тажриба қилишга қарор қилади. Махсус эффектлар устаси ёрдамида қалин протез тайёрлаб, сохта бурун, эгри тишлар, кўзойнаклари бор ниқоб билан кўчага чиқади.
“Янги” Кевин савдо марказига борганида уни ҳеч ким танимайди. Аммо кутилган эркинлик ўрнига актёр совуққонлик ва қўпол муносабатни қабул қилади. Одамлар уни сезмай, туртиб кетишади, йўл бермайди ва ҳатто ёмон сўзлар айтиб ўтиб кетади.
“Бу мутлақо ёқимсиз тажриба бўлди. Шундан сўнг мен яна машҳур бўлишни истаб қолдим”, деган эди у кейинроқ.
Гвинет Пелтроу ва плус-сизе кўринишдаги тажриба
Актриса Гвинет Пелтроу “Севги кўзни кўр қилади” фильмидаги ролида ортиқча вазни бор қилиб кўрсатувчи махсус костюм кийишга мажбур эди. Кунларнинг бирида актриса ўша костюмда ташқарига чиқишга қарор қилади. Tribeca Grand меҳмонхонасининг ҳашаматли фоесига кирганида, Пелтроу ўзига қаратилган совуқ ва бефарқ нигоҳларни сезади.
“Атрофдагиларнинг бундай қарашлари ва мени менсимасликларини ҳис қилиш жуда оғир кечди”, деган эди у интервьюлардан бирида. Ҳурмат ўрнига бефарқликни кўрган актриса қайта бундай тажриба қилмасликка қарор қилган.
Тейлор Момсен ва “ъГринчъдаги қизалоқ” лақаби
“Гринч: Янги йил ўғриси” фильмидаги ширин қизалоқ — Синди Лу образини гавдалантирган Тейлор Момсен мактабда оддий ҳаёт билан актёрлик фаолиятини уйғунлаштиришга ҳаракат қилади. Бироқ бу қарор унга қимматга тушади.
“Мактабда ҳатто исмимни ҳам ҳеч ким билмас эди. Мен шунчаки ъГринчъдаги қизча эдим”, дея эслайди у.
Янги мактабга ўтиш ҳам актрисага нажот бермади: дўстлар орттириш истаги барбод бўлди, атрофдагилар ҳасади ва қабул қилмаслиги эса ёш актрисанинг ўзига бўлган ишончини сусайтирди. Натижада оддий болалик унга насиб этмади.
Шерон Стоун ва Tinder тармоғидаги тажриба
Актриса Шерон Стоун танишув иловаси орқали ўз жуфтини излаб кўрмоқчи бўлади. Аммо унинг аккаунти тезда блокланди. Чунки фойдаланувчилар уни ҳақиқий Шерон Стоун эканига ишонмайди. Илова вакиллари эса шундай деб изоҳ беради: “Сиз жуда гўзал аёлсиз, бундай актрисанинг танишув сайтларда ўтириши ишониб бўлмайдиган ҳолат”.
Натижада виртуал танишув орқали ўз бахтини излаган Стоуннинг бу сафар ҳам омади келмайди.
Изоҳ (0)