Ўзбекистонлик UFC устаси Рамазон Темиров навбатдаги жангини қозоқ спортчиси Асу Алмабаевга қарши ўтказиши керак эди. Бироқ, ушбу баҳс бекор қилинди.
Маълум бўлишича, ҳеч бир спортчи жароҳат олмаган. Аммо ўзбекистонлик UFC жангчисининг Таиланддаги машғулотлари вақтида инфекцион яралар пайдо бўлган:
Абу-Дабида Асу Алмабаев билан бўлиши керак бўлган жангимиз бекор қилинди. На мен, на у жароҳат олгани йўқ. Муаммо бошқа тарафдан чиқди.
Таиландга келганимда машғулот пайтида инфекцион яралар юзага келди. Бу ҳолат спортчиларда ҳаво алмашганда тез-тез учраб туради. Диэтологим менга қандай дори ичиш кераклигини айтдилар. Тавсия этилган дорини қабул қилдим. Орадан уч-тўрт кун ўтиб, допинг-назорат ходимлари келиб, мендан таҳлил олишди. Натижада, ичган дорим таркибида допинг назорати томонидан тақиқланган модда борлиги аниқланиб, жанг бекор қилинди, дейди Рамазон Темиров
Маълумот учун, мазкур спортчилар 26 июль куни Абу-Дабида, UFC on АBC 9 турнири доирасида октагонга кўтарилиши керак эди. Эндиликда Асу Алмабаев ушбу турнирда перулик Хосе Очаога қарши жанг қилади.
Изоҳ (0)