Ҳайвонот боғида ишлаш қизиқарли ва осон кўриниши мумкин. Бироқ ёввойи ҳайвонларни парвариш қилиш осон иш эмас. Бунинг учун нафақат иштиёқ, балки ҳайвонлар соғлом ва хавфсиз бўлишини таъминлаш учун кўплаб кўникмаларга эга бўлиш зарур.
Ҳайвонот боғига ташриф буюриш учун энг қулай вақт — салқин кун
Совуқ об-ҳаво ҳайвонларни янада фаолроқ қилади, шунинг учун агар томошабоп нарсаларни кўришни истасангиз, ташриф учун салқин кунни танланг. Энг яхшиси, эрталаб барвақтроқ боринг.
Ҳайвонларни волерларда яхшироқ кўриш учун ўзингизни хотиржам тутинг
Баъзи тадқиқотчиларнинг фикрича, ҳайвонот боғидаги жониворлар ташриф буюрувчилар сабабли стресс ҳолатига тушмоқда. Баланд овозлар нафақат уларда ваҳима, балки тажовузкорликни ҳам келтириб чиқармоқда. Шунинг учун ўзингизни тинч туцангиз ва кескин ҳаракатлар қилмасангиз, ҳайвоннинг сизга салбий муносабатда бўлмаслиги, қочиб кетмаслиги ва эътиборсиз қолдирмаслиги эҳтимоли анча юқори бўлади.
Иложи борича тўқ рангли кийим кийинг
Ҳайвонот боғи ходимлари ташриф буюрувчиларга қора кийимда келишни тавсия этади, айниқса ҳайвонларни яхши суратга олишни истасангиз. Қора кийим ойнада акс этмагани сабабли чиройли айиқ ёки бошқа йиртқич ҳайвонни суратга олиш имкониятингиз анча ошади.
Сув анолислари эса тўқ сариқ рангни яхши кўради
Тадқиқотчилар сув анослиларининг тўқ сариқ рангни ёқтиришини аниқлашди. Шунинг учун агар калтакесакни ҳар томонлама кўрмоқчи бўлсангиз, ойнани тақиллатманг. Аксинча, ёрқин тўқ сариқ рангли футболка кийинг — шунда у ўзи сизга “суҳбатлашгани” яқинлашади.
Ўтхўр ҳайвонларга баъзида гўшт ҳам берилади
Кўпчилик ўтхўр ҳайвонларга баъзан оз миқдорда гўшт берилади. Ёввойи табиатда бу жониворлар истеъмол қиладиган ўсимлик, сабзавот ва меваларда кўпинча ҳашаротлар ҳам учрайди ва улар ҳашаротларни ҳам ейди. Бироқ кўпчиликда ўтхўр ҳайвонлар фақат ўсимликларни, йиртқичлар эса фақат гўшт истеъмол қилади, деган тушунча шаклланган. Аслида эса ёввойи табиатда фақат ўтхўр ёки фақат гўштхўр ҳайвонлар жуда кам учрайди.
Ҳайвонот боғига доимо эски-туски мато керак бўлади
Ҳайвонот боғи ёки ҳайвонлар бошпанасига ёрдам беришнинг жуда оддий ва текин усули борлигини озчилик билади. Уйдан эски кўрпа, чойшаб ёки сочиқ каби латта-путталарни олиб боришнинг ўзи кифоя. Эски-туски латталар ҳайвонларни парвариш қилишда доимо зарур бўлади.
Delfiн мураббийлари ўзларини формада сақлашади
Одатда улар яхши жисмоний ҳолатда бўлишга интилади, акс ҳолда гидрокостюмлар уларга яхши ўтирмайди.
Ҳайвонот боғи ходимларига оддий ҳаёт кечириш қийин
Ҳайвонот боғи ходимларининг баъзилари севгини фақат ўз ҳамкасблари орасидан излаш керак деб ҳисоблашади. Чунки ҳайвонлар билан ишлаш жараёнида пайдо бўладиган ўзига хос ҳид туфайли бу ҳолатга осонликча кўника оладиган умр йўлдош топиш қийин бўлади.
Изоҳ (0)