Лондондаги “Челси” клуби ҳамда Аргентина терма жамоаси аъзоси Энсо Фернандеш фаолиятини Испанияда давом эттириши мумкин. Бу ҳақда инсайдер Густаво Мендешга таяниб Euro-Football хабар бермоқда.
Манбага кўра, Фернандешнинг хизматларига Мадриднинг “Реал” клуби жиддий қизиқиш билдирмоқда. Ҳатто томонлар ўзаро музокаралар олиб бориб, келишувга эришгани айтилмоқда. Бироқ ҳозирча ҳеч қандай расмий ҳужжат имзоланмаган. У жамоадан кетиши мумкин бўлган Лука Модричга ўринбосар бўлиши кутилмоқда.
“Челси” Фернандешни қўйиб юборишга тайёр, бироқ “аристократлар футболчи учун 120 миллион евро талаб қилмоқда. Улар бу орқали 2023 йил “Бенфика”га тўлаган суммани қайтариб олишни истамоқда. Энсонинг лондонликлар билан амалдаги шартномаси 2032 йилгача мўлжалланган. Transfermarkt портали унинг қийматини 75 миллион еврога баҳоламоқда.
Маълумот учун, Фернандеш жорий мавсум Англия Премьер Лигаси доирасидаги 35 та ўйинда майдонга тушиб, ўз ҳисобига 6 та гол ва 7 та голли узатма ёздириб қўйган.
Изоҳ (0)