“Азизим” қўшиғи муаллифи Али Ниязимбетов муаллифлик ҳуқуқини тиклаб беришни сўраб Адлияга мурожаат қилди. Бу ҳақда Интеллектуал мулк департаменти хабар берди.
Унда айтилишича, Али Ниязимбетов ўзи муаллифлигидаги “Азизим” номли мусиқий асар унинг рухсатисиз ижро этилгани ҳолати юзасидан ҳуқуқий чора кўрилишини сўраб қилинган мурожаат Адлия вазирлиги томонидан ўрганилиб чиқилди.
Ўрганиш мобайнида таниқли ижодкор Манзура ва Муроджон Йўлдошев ижросидаги “Азизим” номли мусиқий асар муаллиф рухсатсиз фойдалангани аниқланди.
Ҳолат юзасидан ҳуқуқбузарга нисбатан Маъмурий жавобгарлик тўғрисидаги кодекснинг 177 прим 1-моддаси билан маъмурий ҳуқуқбузарлик тўғрисидаги баённомалар расмийлаштирилиб, тегишли судга юборилди.
Тошкент шаҳар жиноят ишлари бўйича Юнусобод туман судининг қарорига кўра, ҳуқуқбузар Муроджон Йўлдошевга нисбатан базавий ҳисоблаш миқдорининг бир баравари миқдорида — 375 000 сўм жарима жазоси тайинланди.
Изоҳ (0)