“Azizim” qo‘shig‘i muallifi Ali Niyazimbetov mualliflik huquqini tiklab berishni so‘rab Adliyaga murojaat qildi. Bu haqda Intellektual mulk departamenti xabar berdi.
Unda aytilishicha, Ali Niyazimbetov o‘zi muallifligidagi “Azizim” nomli musiqiy asar uning ruxsatisiz ijro etilgani holati yuzasidan huquqiy chora ko‘rilishini so‘rab qilingan murojaat Adliya vazirligi tomonidan o‘rganilib chiqildi.
O‘rganish mobaynida taniqli ijodkor Manzura va Murodjon Yo‘ldoshev ijrosidagi “Azizim” nomli musiqiy asar muallif ruxsatsiz foydalangani aniqlandi.
Holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177 prim 1-moddasi bilan maʼmuriy huquqbuzarlik to‘g‘risidagi bayonnomalar rasmiylashtirilib, tegishli sudga yuborildi.
Toshkent shahar jinoyat ishlari bo‘yicha Yunusobod tuman sudining qaroriga ko‘ra, huquqbuzar Murodjon Yo‘ldoshevga nisbatan bazaviy hisoblash miqdorining bir baravari miqdorida — 375 000 so‘m jarima jazosi tayinlandi.
Izoh (0)