“Очиқ бюджет” порталида 5 апрелдан бошлаб “Менинг боғим” лойиҳасининг 2025 йилги мавсуми доирасида лойиҳа киритиш босқичи бошланди. Бу ҳақда Иқтисодиёт ва молия вазирлиги хабар берди.
Маълум қилинишича,
- лойиҳа киритиш босқичи — 5–14 апрель;
- саралаш босқичи — 15–20 апрель;
- овоз бериш босқичи — 21–30 апрель кунлари ўтказилади.
“Менинг боғим” лойиҳаси ҳақида
Ушбу лойига порталда жамоатчилик фикри асосида яшил боғ ва яшил жамоат паркларини ташкил қилиш бўйича лойиҳаларни шакллантириш, саралаш, овоз бериш йўли орқали ғолиб лойиҳаларни аниқлаш ҳамда молиялаштиришни ўз ичига олган жараёндир.
“Менинг боғим” лойиҳаси 2024 йилдан ишга туширилган. Ўша йилнинг март ойида Шавкат Мирзиёев Экология вазирлигига лойиҳани ишга туширишни топширди. Бунга бюджетда 50 миллиард сўм ажратилди.
“Менинг боғим” лойиҳаларини шакллантириш ва молиялаштириш тартиби тўғрисидаги низомга кўра, Экология вазирлиги “Яшил макон” умуммиллий лойиҳаси учун бюджетдан ажратилган маблағларнинг камида 50 фоизини “Менинг боғим” лойиҳалари доирасида яшил боғ ва яшил жамоат паркларини ташкил этишни молиялаштириш учун туманларга (шаҳарларга) тенг тақсимлаган ҳолда вазирлик ҳудудий бўлинмаларининг махсус шахсий ғазна ҳисобварақларига ўтказади.
2024 йилда “Менинг боғим” лойиҳаси 23 июндан 7 июлга қадар давом этиб, 215 та лойиҳа ғолиб деб топилганди. Ғолиб бўлган лойиҳаларни молиялаштириш учун республика бўйича 48,6 миллиард сўм маблағ йўналтирилганди.
Изоҳ (0)