Нью Йорк шаҳрида Ўзбекистон ва Науру ўртасида дипломатик муносабатлар ўрнатиш тўғрисидаги Қўшма комюнике имзоланди. Бу ҳақда “Дунё” АА хабар берди.
Икки мамлакат ҳукуматлари номидан ҳужжатни Ўзбекистоннинг БМТдаги доимий вакили Улуғбек Лапасов ва Наурунинг БМТдаги доимий вакили Лара Эраб Даниел имзолади.
Томонлар халқаро ташкилотлар, жумладан, БМТ ва унинг ихтисослашган муассасалари доирасида қўшма ҳамкорликни кучайтиришга тайёр эканликларини билдирдилар.
Сиёсий, савдо-иқтисодий ва маданий-гуманитар соҳаларда ҳамкорликнинг ўзаро манфаатли йўналишларини топиш учун икки томонлама алоқаларни фаоллаштириш бўйича келишувга эришилди.
Ҳужжатнинг имзоланиши Ўзбекистон билан хорижий давлатлар ўртасидаги ҳамкорликни фаоллаштиришда муҳим қадам бўлди.
Шу тариқа, Науру республикаси Ўзбекистон билан дипломатик муносабатлар ўрнатган 159-давлат бўлди.
2024 йил сентябрида Либерия Ўзбекистон билан дипломатик алоқалар ўрнатган 154-давлат, Того 155-давлат, Багама Ороллари Ҳамдўстлиги эса 156-давлат бўлганди.
Нью Йоркда 2025 йилнинг 5-февал куни Ўзбекистон ва Сомали ўртасида дипломатик муносабатлар ўрнатиш тўғрисидаги Қўшма коммюнике имзоланганди.
Изоҳ (0)