Италиялик физиклар гуруҳи тухумларда кўпроқ озуқа моддаларини сақлайдиган қайнатиш усулини тақдим этди. Унинг моҳияти тухумни қайноқ ва бир оз илиқ сувга навбатма-навбат солишдан иборатдир.
Гап шундаки, оқсил ва тухум сариғи оптимал пишиши учун турли ҳароратни талаб қилади — оқсил учун тахминан 85 даража, тухум сариғи учун эса 65 даража. 100 даража ҳароратда тухум қайнатиш унинг сариғини бутунлай қотириши мумкин. Агар тухум 60-70 даража ҳароратли сув ҳаммомига қўйилса, кўпинча оқсил етарли даражада пишмай қолади.
Тадқиқотчилар тухумдаги иссиқлик ўтказувчанликни ҳисоблаб чиқиб, суюқликлар механикаси ёрдамида жараённи моделлаштирди. Уларнинг янги рецепти қуйидагича: тухумни доимий ҳароратдаги сувда ушлаб туриш ўрнига, тахминан 100 даража ва 30 даража атрофидаги сувни алмаштириш керак (бир идишда икки дақиқа, кейин эса иккинчисида икки дақиқа). Жараённинг умумий давомийлиги 32 дақиқани ташкил этади. Юқори ҳарорат таъсирида тухум оқи етарлича қотади, сариғи эса тахминан 67 даражагача қизийди, бу эса кремсимон чиқиши учун идеал ечимдир.
“Ушбу махсус термик профил тухумни унинг барча қисмларида оптимал даражада тайёрлаш имконини беради”, дея хулоса қилади Поцсуолидаги Миллий тадқиқот кенгашидан Пеллегрино Мусто жамоаси.
Изоҳ (0)