Беларусь президенти Александр Лукашенко мамлакатга ҳужум қилган ҳар қандай дўст ёки душманга жавоб зарбаси берилишидан огоҳлантирди. У Беларусга “Орешник” ракетаси жойлаштирилиши ва россиялик ҳамкасби Путинга қўйган шарти ҳақида ҳам гапирди. Бу ҳақда “БелТА” хабар берди.
Мен барча душманларим, дўстларим ва рақибларимни огоҳлантирдим: агар давлат чегараси чизиғига қадам қўйсангиз, жавоб зудлик билан берилади. Бунда қуролнинг тури — ядровий ёки бошқасига қарамайман. Биз бу масалада Россия билан ҳали улар бизга ядро қуролини қайтаришдан олдин келишиб олганмиз.
Аммо қайтарилган қурол биз уларга берган қуроллардан фарқланади. Ўша пайтда стратегик ядро қуроллари топширилганди, ҳозир эса бизга тактик ядро қуроллари қайтарилди. Улар ҳатто “Орешник” деб аталадиган қуролдан тахминан беш баробар кучлироқ бўлиши керак, деди Лукашенко.
Беларусь президенти мамлакатда “Орешник” ракетаси жойлаштирилишига ҳам муносабат билдирди. У ракетани жойлаштириш учун майдон танланаётгани айтди.
Бизда стратегик ядровий ракеталарни жойлаштиришдан майдончалар сақланиб қолган, деган сиёсатчи.
Лукашенко шу туфайли уни “диктатор” деб аташларини таъкидлаган. “Диктатор бўлганим учун эмас, балки уларга ёқмаган ишни қилганим учун шундай аташади. Лекин кўриб турибсизки, бу менга асқатди”, деган у
Беларусь президенти “Орешник”ни мамлакатга жойлаштириш бўйича россиялик ҳамкасби Владимир Путинга шарт қўйганини эслатди.
Бизда ўттизга яқин шундай майдонча мавжуд. Улардан бирини танлаймиз, чунки зарар етказиш объектларигача энг қисқа масофа бўлиши керак. Жойлаштириш ва мўлжал олишни амалга оширамиз. Эҳтимол, сезгандирсиз, Путин билан келишувимда битта шарт бор эди: Беларусь ҳудудида нишонларни биз танлаймиз, руслар эмас. Аммо улардан фойдаланишда ёрдам берасиз. Яъни, агар зарурат туғилса, тугмачани биргаликда босамиз. Аммо нишонларни белгилаш фақат бизнинг ихтиёримизда бўлади. Путин бунга рози бўлди, деган у.
Изоҳ (0)